Robaty-dastaŭščyki ježy źjavilisia na vulicach Dubaja
Siem robataŭ-dastaŭščykaŭ hatovyja za ličanyja chviliny pryvieźci haračaje kapučyna da dźviarej žycharoŭ Dubajskaha silikonavaha aazisa.
Dubajski silikonavy aazis ujaŭlaje saboj bujny dziełavy i žyły rajon, u jakim mieściacca IT-kampanii, pramysłovyja pradpryjemstvy, a taksama kampanii, što zajmajucca daśledavańniami i raspracoŭkami. Na hetym tydni na jaho vulicach źjavilisia novyja ŭdzielniki darožnaha ruchu: pieršyja ŭ AAE robaty-dastaŭščyki ježy prymajuć pieršyja zamovy, paviedamlaje The National.
Paśla paśpiachovaha vyprabavańnia padčas Expo2020, siem aŭtanomnych robataŭ Talabat upieršyniu buduć absłuhoŭvać kala 300 damoŭ žyłoha rajona.
Zamaŭlajučy tavary ŭ Starbucks, Oregano i livanskim restaranie On the Wood u hramadskim centry Cedre Villas, klijenty zaraz mohuć vybrać dastaŭku robatam, jakaja zvyčajna zajmaje da 15 chvilin.
«Nam pryjšłosia pačynać z małoha, bo my nie možam absłužyć usie damy i restarany, ale heta pieršy test za miežami «Ekspa», — kaža Maryja Estevan, dyrektar pa śpiecyjalnych prajektach kampanii Talabat.
«Technałohija pakazała, što ludzi vybirajuć dastaŭku robatami, ale zaraz nam treba vyvieści jaje za miežy kantralavanaha asiarodździa».
Pakul «tałabaty» buduć pracavać tolki ŭ abmiežavanaj prastory radyusam 4,8 km ad restaranaŭ. Adnak pry hetym jany buduć dzialić darožnuju prastoru ź inšym paŭsiadzionnym transpartam.
Klijenty mohuć rabić zamovy praz prahramu Talabat i adsočvać dastaŭku.
Robaty nadziejna zachoŭvajucca ŭnutry błoka z rehulavanaj tempieraturaj, mohuć pracavać u luboje nadvorje i vytrymlivać ekstremalnuju letniuju śpiakotu ŭ AAE.
Paśla prybyćcia robata klijenty mohuć adkryć jaho, kab zabrać svaju ježu, z dapamohaj unikalnaha koda dostupu.
Štučny intelekt, vykarystany ŭ «tałabatach», abaraniaje asobu ludziej tak, što razmyvaje tvary i nie raspaznaje ich.
Kab mirna ŭpisacca ŭ vuličnaje žyćcio, robaty abstalavanyja niekalkimi ŭbudavanymi datčykami i ałharytmami, jakija aceńvajuć asiarodździe i vyjaŭlajuć pieraškody na šlachu. Takim čynam, «tałabaty» pavinny trymacca na biaśpiečnaj adlehłaści ad małych dziaciej i cikaŭnych katoŭ, a taksama ŭmieć pravilna ŭzajemadziejničać ź inšymi transpartnymi srodkami.
Robaty nie naležać kampanii Talabat, ale zastrachavanyja na vypadak sutyknieńnia ci paškodžańnia majomaści.
«Kali chtości vypadkova ŭdaryć robata, budzie zvyčajny strachavy vypadak, jak kali b sutyknulisia dźvie mašyny», — kaža spadarynia Estevan. Pa jaje słovach, chutka klijenty Talabat pryzvyčajacca da taho, kab bačyć robataŭ na vulicach štodzień.
Dubajski silikonavy aazis apaviaściŭ žycharoŭ pra novyja ekśpierymienty. Robaty-dastaŭščyki buduć pracavać minimum try miesiacy, a potym kiraŭniki prajekta vyrašać, kudy ruchacca dalej.
Prajekt pa dastaŭcy ježy robatami — častka trochmiesiačnaj piłotnaj prahramy kampanii pa anłajn-dastaŭcy ježy Talabat, Upraŭleńnia daroh i transpartu Dubaja i Upraŭleńnia intehravanych ekanamičnych zon Dubaja pa palapšeńni varyjantaŭ pasłuh dastaŭki.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary
U Macdonald's Tbilisi źjavilisia robaty-aficyjanty.
Robaty jość na Rustavieli, la pałaca sportu i jašče ŭ 19 filijałach makdaka buduć pa ŭsioj krainie.
Chutka čakajem u Kutaisi, spadziajemsia, što ŭ Batumi taksama źjavicca nieŭzabavie.
Voś tut videa jak ppacuje robat: https://t.me/newsingeorgia/8336
A heta tekst naviny:
https://www.facebook.com/718975441501712/posts/pfbid0juEiR1fEYqP5iWRuXW1hrPewJpQQt17DH9WjgbMJJ371zotcpVgvRcGDxx3Q69yZl