«Tolki pieramoha Ukrainy»: Padalak adreahavaŭ na čarhovuju zajavu Maskvy ab pieramovach
Daradca kiraŭnika Ofisa prezidenta Ukrainy Michaił Padalak adreahavaŭ na čarhovuju zajavu Maskvy ab hatoŭnaści rasijskich uład da pieramoŭ z ukrainskim bokam.
Ranicaj u subotu namieśnik kiraŭnika rasijskaha MZS Siarhiej Viaršynin zajaviŭ u intervju rasijskamu telekanału «Źviezda», što Maskva hatovaja da pieramoŭ, ale biez papiarednich umoŭ i «na asnovie toj realnaści, jakaja isnuje».
«Tak, kłasika kaža, što lubyja vajennyja dziejańni zakančvajucca pieramovami, i my, naturalna, užo kazali, što my da takich pieramoŭ budziem hatovyja. Ale tolki da pieramoŭ biez papiarednich umoŭ, pieramoŭ na asnovie toj realnaści, jakaja isnuje, pieramoŭ z ulikam tych met, jakija byli nami ahučany publična», — cytuje słovy Padalaka Bi-bi-si.
Pa słovach Michaiła Padalaka, heta zajava śviedčyć ab tym, što ab pieramovach z Kramlom nie moža być i havorki.
«U svajoj rehularnaj rytorycy ab miry i pieramovach Kreml zajaŭlaje, što nie pakinie [akupavanyja] ŭkrainskija terytoryi i nie budzie nieści adkaznaść za svaje złačynstvy. Heta jašče adzin dokaz taho, što ab pieramovach nie moža iści havorki. Tolki pieramoha Ukrainy, inakš vajna ŭ Jeŭropie nie skončycca, i Rasija budzie złačynna panavać nad śvietam», — napisaŭ Padalak na svajoj staroncy ŭ tvitary.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary