The Guardian: Na terytoryi Rasii dziejničaje hrupa ŭkrainskich śpiecnazaŭcaŭ

Vajskoŭcy paviedamlajuć, što ŭ vypadku niečaha najhoršaha ŭkrainski ŭrad budzie admaŭlać lubuju infarmacyju pra ich.

Adznačajecca, što jany čalcy bataljona «Braterstva», dobraachvotnickaj hrupy ŭkrainskich śpiecnazaŭcaŭ, jakija viaduć baraćbu z Uładzimiram Pucinym u hłybini Rasii. Ich praca varjirujecca ad vykradańnia vysokapastaŭlenych kramloŭskich čynoŭnikaŭ da źniščeńnia klučavych abjektaŭ vajskovaj infrastruktury i źbićcia varožych samalotaŭ na rasijskaj terytoryi».

Adzin z bajcoŭ, Uładzisłaŭ, paviedamlaje, što publična pra heta raspaviadajuć, kab Pucin i akupanty viedali, što ŭkrainskim bajcam «vielmi lohka pierasiekčy rasijskuju miažu».

«Braterstva» nastojvaje, što rasijskamu vyšejšamu kamandavańniu žyćciova važna adčuć žar boju na ŭłasnaj terytoryi.

Hazieta piša, što dobraachvotniki «Braterstva» majuć asablivy status, «technična niezaležnyja ad ukrainskaj armii, ale dziejničajuć plačo ŭ plačo z aficyjnymi siłami».

Žurnalisty sustrelisia z bajcami za kavaj u kijeŭskim parku imia Tarasa Šaŭčenki. Tam jany ŭ džynsach i džempierach raspaviali pra svaje pryhody, adpačyvajučy ad trenirovak, płanavańnia i misij.

The Guardian dadaje, što «praź nieaficyjny status ich historyi nielha było pravieryć niezaležna, ale jany pierakanaŭčyja i zasłuhoŭvajuć davieru, a taksama nadzvyčajnyja svajoj advahaj».

Taras kaža, što viarnuŭsia dva tydni tamu paśla, pa jaho słovach, prostaj apieracyi: «Našaj hrupie treba było zavieźci peŭnuju kolkaść vybuchoŭki na terytoryju Rasii i pakinuć jaje ŭ peŭnym miescy». Ale šeść tydniaŭ tamu, pa jaho słovach, jon zaviaršyŭ samuju paśpiachovuju apieracyju: «My mieli zadaču źniščyć viertalot, jaki pieravoziŭ vysokapastaŭlenych asob rasijskaha MUS». Apieracyju praviali nie ź pieršaha razu, ale adnojčy taki źbili viertalot ź pieranosnaha ZRK na adlehłaści 4 km. Bajcy pierakanalisia, što viertalot vybuchnuŭ.

Niezaležna ad taho, ci zahinuli kramloŭskija čynoŭniki ŭ viertalocie, dla Tarasa heta była paśpiachovaja misija, jakaja dasiahnuła hałoŭnaj mety.

Apošniaja apieracyja ŭ Rasii, u jakoj braŭ udzieł Uładzisłaŭ, była «miesiac tamu ŭ rajonie horada Biełharada, dzie za apošnija miesiacy padarvali niekalki składoŭ bojeprypasaŭ».

Vajskoŭcy adznačajuć, što ich praca — nadzvyčaj niebiaśpiečnaja, ale jany vielmi staranna rychtujucca i ŭśviedamlajuć jaje važnaść.

Bajcy raspaviali žurnalistam i pra svaich zahinułych paplečnikaŭ, adznačyŭšy, što na takich zadańniach mohuć hinuć i najlepšyja prafiesijanały. 

Čytać:

Pad Biełharadam zaharełasia naftabaza

U Biełharadskaj vobłaści znoŭ zahareŭsia skład z bojeprypasami, miascovyja ŭłady kažuć pra «efiekt linzy»

«Heta prysud rasijskaj SPA». Błohiery adreahavali na čarhovuju ataku aeradroma ŭ hłybini Rasii

Kijeŭ pra vybuchi na aeradromie Enhiels: Kali rasijanie dumali, što nikoha ŭ hłybokim tyle vajna nie zakranie, to jany pamylalisia

• 59
• 0
• 1
• 10
• 4
• 2
• 9
• 0