Animacyjnaja kamiedyja dla ŭsioj siamji.
Vobłačna, mahčymyja apadki ŭ vyhladzie frykadelek (Cloudy with a Chance of Meatballs)
ZŠA, 2009, kalarovy, 90 chv.
Režysiory: Fił Łord, Krys Miler
Žanr: Animacyjnaja kamiedyja dla ŭsioj siamji
Adznaka: 8 (z 10)
Niedareka-navukoviec Flint Łokvud, čyje vynachodnictvy prynosili adny niepryjemnaści, prydumlaje mašynu, jakaja pieraŭtvaraje vadu ŭ ježu. Ciapier nad jahonym horadam idzie doždž z hamburhieraŭ i cukierak, mieścičy zamaŭlajuć dalikatesy, a turysty šturmujuć kucharski raj. Ale abžorstva da dabra nie davodzić: frykadelnaja mašyna šaleje. Flint razam z pryhažuniaj Samantaj zmahajecca z makaronnym štormam i syrnymi navalnicami. Abžorstvu – boj!
Animacyjnaja stužka Fiła Łorda i Krysa Milera – karnavalnaje śviata ježy i dziciačaja radaść pieršych kinakamiedyj z tartami ŭ tvar, poliŭkami za karšeń i harbuzamiatańniami. Najčyściejšaja abžornaja radaść z želejnymi pałacami, marozivam i bekonami. Ale tvorcy stužki pierakulvajuć dahary nahami ježu i pajadalnikaŭ. Drapiežnaja pica atakuje hierojaŭ, smažanyja kurycy palujuć za pryhažuniaj, cukiernyja miški Hami hryzuć samalot.
Kamiedyjnaje ščaście karciny dazvalaje razhledzić i naiŭna-ščyryja stasunki hierojaŭ, i prablemy baćkoŭ i dziaciej, i krytyku spažyviectva.
Jaskrava-piaščotnyja kolery, tryjumf śviatła… Ech, škada, što technałohii 3 D, u jakoj stužka zroblena, jašče niama ŭ našych kinateatrach!
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary