Kolkaść burych miadźviedziaŭ u Viciebskaj vobłaści chutka raście. Ciapier papulacyja aceńvajecca prykładna ŭ tysiaču asobin, i sustrakajecca najbujniejšy ŭ Biełarusi drapiežnik va ŭsich biez vyklučeńnia rajonach vobłaści.
«Jašče piać-siem hadoŭ tamu miadźviedzi ŭ asnoŭnym sustrakalisia va ŭschodniaj i paŭnočnaj častcy rehijona, u Haradockim, Loźnienskim i Viciebskim rajonach u napramku Suraža, — havoryć viadučy inžynier pa palaŭničaj haspadarcy Viciebskaha dziaržaŭnaha vytvorčaha lesahaspadarčaha abjadnańnia Dźmitryj Dzikovič. — Ciapier ža niama nivodnaha rajona, dzie b nie sustrakaŭsia hety vid. Idzie vielmi aktyŭny rost papulacyi».
Asnoŭnych pryčyn, čamu miadźviedzi tak raspładzilisia, try:
- hety vid nie palaŭničy;
- u jaho niama naturalnych vorahaŭ;
- dla jaho jość dobraja karmavaja baza.
Pikavaja kolkaść miadźviedziaŭ pa-raniejšamu adznačajecca ŭ Haradockim, Viciebskim i Loźnienskim rajonach, taksama šmat ich na terytoryjach, prylehłych da Biarezinskaha bijaśfiernaha zapaviednika ŭ Lepielskim, Ušackim i Dokšyckim rajonach. Čaściej za ŭsio sustrakajuć miadźviedzia letam i vosieńniu hrybniki i jahadniki.
Ciapier u lashasach rehijona pačynajuć štohadovy ŭlik kolkaści dzikich žyvioł, pieršyja vyniki jakoha padviaduć u pačatku sakavika. Miadźviedzi, praŭda, ciapier śpiać — pakul što nivodnaha «badziahi» ŭ Biełarusi hetaj zimoj nie sustreli.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary