Brud i bakteryi robiać svaju spravu.
Kab pravilna kłapacicca pra hihijenu i zdaroŭje, varta mianiać paścielu jak minimum kožnyja dva tydni. Ź pižamaj, adnak, usio nie tak prosta, bo dva tydni dla jaje — heta zašmat, piša ofeminin.pl.
Nasamreč, čym čaściej vy mianiajecie pižamu, tym lepš. Ale, kali časta adpraŭlać pižamu ŭ pralnuju mašynu, my tracim vadu i elektryčnaść, a heta škodna i dla biudžetu, i dla ekałohii.
Tym nie mienš, nie varta i chadzić tydniami ŭ adnoj i toj ža pižamie. Na našym ciele chapaje mikrobaŭ, my paciejem, a pot ubirajecca ŭ materyjał pižamy i spryjaje raspaŭsiudžvańniu chvarobatvornych mikraarhanizmaŭ. Kali skura łupicca, na pižamie zastajucca jaje čaścinki, a taksama reštki kaśmietyčnych srodkaŭ, vykarystanych raniej.
Ekśpierty ličać, što pažadana mianiać pižamu chacia b raz na tydzień. Padčas chvaroby ž varta nadziavać čystuju pižamu štodzień, a kali chvory čałaviek šmat pacieje, to lepš i niekalki razoŭ na dzień.
Što da samoha myćcia bializny, lepš za ŭsio vybirać dla jaho vysokuju tempieraturu (naprykład, 60 hradusaŭ), kab pazbavicca ad mikrobaŭ. Ale časam adzieńnie dla snu moža być pašytaje z dalikatnych tkanin, tamu nie zabyvajcie ŭvažliva čytać rekamiendacyi na etykietcy.
Jak časta treba mianiać paściel?
Chočacie mienš chvareć? Ekśpierty nazvali kavidnyja zvyčki, jakich varta prytrymlivacca ŭvieś čas
10 pamyłak, jakija pieraškadžajuć zdarovamu snu
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary