Cichanoŭskaja abmierkavała novuju stratehiju pa Biełarusi z pamočnicaj dziaržsakratara ZŠA
Śviatłana Cichanoŭskaja siońnia abmierkavała z pamočnicaj dziaržsakratara ZŠA Robin Danihien novuju stratehiju pa Biełarusi, paviedamili ŭ pres-słužbie palityka.
Fota: pres-słužba Cichanoŭskaj
Novaja stratehija moža praduhledžvać zachady pa abaronie niezaležnaści Biełarusi i vyvadzie rasijskich vojskaŭ, dalejšaj izalacyi režymu Łukašenki i padtrymcy pieramienaŭ u krainie.
Taksama abmierkavali:
- mahčymaść praviadzieńnia sustrečy krain-partnioraŭ, jakija padtrymlivajuć demakratyčnyja siły ŭ Biełarusi;
- pryznačeńnie śpiecpasłańnika ZŠA, jaki budzie pracavać z demakratyčnym rucham;
- mahčymy vizit Śviatłany Cichanoŭskaj uviesnu hetaha hoda ŭ Vašynhton;
- supolnyja dziejańni, kab nie dapuścić prysutnaści pradstaŭnikoŭ Łukašenki ŭ Radzie biaśpieki AAN;
- udzieł demakratyčnaj Biełarusi ŭ Hienasamblei AAN i mierapryjemstvach Vialikaj siamiorki.
Kamientary