Cichanoŭskaja razam z členami Kabinieta sustrełasia ź ministram unutranych spraŭ Polščy
Śviatłana Cichanoŭskaja 24 studzienia ŭ Varšavie sustrełasia ź ministram unutranych spraŭ Polščy Maryjušam Kamińskim. Taksama ŭ sustrečy brali ŭdzieł z polskaha boku vice-ministr unutranych spraŭ Bartaš Hradecki, a ź biełaruskaha —členy Abjadnanaha pierachodnaha kabinieta Pavieł Łatuška, Valeryj Sachaščyk i Valeryj Kavaleŭski.
Padčas sustrečy baki abmierkavali nastupnyja pytańni:
-
spraščeńnie lehalizacyi i mihracyjnych pracedur dla biełarusaŭ. Biełaruski bok paprasiŭ paspryjać u tym, kab zrabić pracedury bolš ełastyčnymi i chutkimi;
-
vydača alternatyŭnych dakumientaŭ novaj Biełarusi — kab Polšča padtrymała inicyjatyvu, nad jakoj pracujuć demakratyčnyja siły. Heta dapamoža tysiačam biełarusaŭ, jakija apynulisia ŭ Jeŭropie, nie mohuć viarnucca ŭ Biełaruś i nie majuć naležnych dakumientaŭ;
-
padtrymka biełaruskich dobraachvotnikaŭ va Ukrainie;
-
pytańnie pryciahnieńnia da adkaznaści vinavatych u represijach i vajnie va Ukrainie;
-
unutranuju situacyju ŭ Biełarusi, vierahodnaść ustupleńnia biełaruskich vojskaŭ u vajnu i mahčymaść padtrymki represavanych biełarusaŭ.
«Vierahodnaść udziełu biełaruskich vojskaŭ u vajnie pastupova pavyšajecca, a heta aznačaje, što vajna moža pryjści i ŭ Biełaruś.
I vielmi važna kab było ŭśviedamleńnie, što sapraŭdnaja pieramoha Ukrainy ŭ vajnie patrabuje i vyrašeńnia kryzisu ŭ Biełarusi.
My razumiejem, što tolki volnaja, demakratyčna i jeŭrapiejskaja Biełaruś moža harantavać Ukrainie biaśpieku i być sapraŭdnym pakazalnym dziejsnym i rehijanalnym partnioram», — skazała Cichanoŭskaja padčas sustrečy.
Ciapier čytajuć
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary