KNDR całkam padtrymlivaje Rasiju ŭ situacyi va Ukrainie, zajaviła siastra miascovaha pravadyra Kim Čen Yna, namieśnica kiraŭnika adździeła CK Pracoŭnaj partyi Karei Kim Je Čžon.
«My zaŭsiody budziem u adnym akopie razam z armijaj i narodam Rasii, jakaja stała na baraćbu dla abarony hodnaści i honaru dziaržavy, suvierenitetu i biaśpieki krainy», — pryvodzić słovy Kim Je Čžon rasijskaje aficyjoznaje ahienctva «RIA Naviny».
Pa słovach pradstaŭnicy siamji, jakaja kiruje Paŭnočnaj Karejaj užo amal 80 hadoŭ, «ZŠA, napampoŭvajučy Ukrainu vialikaj kolkaściu ŭzbrajeńniaŭ, «vyznačylisia» ŭ stymulavańni praciahu niestabilnych suśvietnych padziej, a niadaŭna zrabili jašče bolš jasnaj svaju antyrasijskuju pazicyju, aficyjna zajaviŭšy ab pastaŭkach svaich asnoŭnych tankaŭ».
Pry hetym siastra Kim Čen Yna vykazała ŭpeŭnienaść, što zachodniaja vajskovaja technika «budzie spalenaja daščentu, sutyknuŭšysia ź niazłomnym bajavym ducham i mocaj hieraičnaj rasijskaj armii i naroda».
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary