«Płakali navat darosłyja». U vilejskim kinateatry — niečuvanyja čerhi, što tam pakazvajuć?
U miascovym pabliku Vilejki źjaviłasia fota, zroblenaje kala miascovaha kinateatra «Mir». Vidać, što ludzi sabralisia na vulicy la ŭvachoda ŭ budynak. Kažuć, u zale navat nie chapiła miescaŭ dla ŭsich achvotnych.
«Na žal, nie chapiła kvitkoŭ, pieršy raz takoje naziraju ŭ Vilejcy», — napisaŭ miascovy žychar u kamientarach.
«Čałaviek 30 raźviarnulisia nazad dadomu, bo nie chapała biletaŭ», — raspaviała adna ź vilejčanak.
Niekatoryja ŭ toj ža čas pišuć, što na inšych sieansach byli volnyja miescy.
«Za svaje 30+ hadoŭ pabyvała ŭpieršyniu ŭ našym kinateatry. Navat i viedać nie viedała, što ŭ nas takaja zała, ekran. Mnie zdavałasia, što siudy nichto nie chodzić, i my pryjdziem ź dziciem i budziem udvaich hladzieć film. Ale… my ledź uskočyli ŭ apošni vahon. Ludziej šmat, miescaŭ usim nie chapiła, dastavili zvyčajnyja kresły. I znoŭ ža, mnohim nie chapiła. A zaraz pra sam film <…>. Płakali navat darosłyja», — dzielicca inšaja žycharka rajcentra.
Što za film vyklikaŭ ažyjataž u nievialikim horadzie? Akazałasia, heta novaja rasijskaja kamiedyja «Čaburaška», jakaja vyjšła ŭ prakat u pieršy dzień hoda.
Film stvorany pry ŭdziele kinastudyi «Sajuzmultfilm», telekanałaŭ Rasija 1 i STS. U stužcy źnialisia akciory Siarhiej Harmaš, Alena Jakaŭleva, Volha Kuźmina, Fiodar Dabranravaŭ, Palina Maksimava, Siarhiej Łavyhin i inšyja.
Na sajcie «Kinapošuk» rejtynh siamiejnaj kamiedyi składaje 7,8.
Partał «Kinabiznes» piša, što «Čaburaška» trapiŭ u top pa zborach za kinaprakat u SND i sabraŭ bolš za 60 miljonaŭ dalaraŭ.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ3
Kamientary
Sajuzmultfilm malavali pa padručnikach "disneja"
treba adychodzić i ad "miakkaj" prapahandy "riuskoho mira".
U SSSR mulciki vučylisia malavać pa nialahalnych padručnikach disneju