Impartazamiaščeńnie: na Homielskaj kandytarskaj fabrycy pačnuć vypuskać anałah šviejcarskaha šakaładu
Na Homielskaj kandytarskaj fabrycy idzie ŭstanoŭka novaj vytvorčaj linii, na jakoj buduć vypuskać anałah šviejcarskaha šakaładu, jaki syšoŭ z rynku, pišuć «Mocnyja naviny».
Na pradpryjemstvie raskazali, što receptura ŭžo raspracavana i zaćvierdžana. Užo rychtujecca da vytvorčaści šakaład horki z apielsinam. Taŭščynia plitki budzie nie bolš 5 mm.
«Dalej my pracujem nad liniejkaj horkich šakaładaŭ z roznym utrymańniem kakava-praduktaŭ. Ad maksimalnaha — 99 % — da našaha kłasičnaha, 56-pracentnaha šakałada. Taksama budzie liniejka małočnych šakaładaŭ z roznym utrymańniem kakava-praduktaŭ», — raspaviała ŭ efiry dziaržTB namieśnik hiendyrektara pa vytvorčaści Volha Navažoncava.
Novuju liniju płanujuć zapuścić hetaj viasnoj. Jaje pradukcyjnaść — 1,5 tony ŭ hadzinu. Košt inviestprajekta — 13 miljonaŭ rubloŭ.
A voś u Naroŭli na fabrycy «Čyrvony mazyranin» za košt srodkaŭ Čarnobylskaha fondu płanujuć rekanstrujavać irysny ŭčastak. Za košt hetaha abjom vytvorčaści prysmaku pavialičycca ŭ 5 razoŭ da 80 ton u miesiac. Uvod novaj linii daść mahčymaść stvaryć 15 novych pracoŭnych miescaŭ.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami72
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1010
Kamientary