Google Docs dadaje mažlivaść prahladu niedrukavanych simvałaŭ — funkcyju, jakaja pavinna była ŭžo daŭno isnavać
Jak žartujuć karystalniki, jany byli ŭpeŭnienyja, što takaja mahčymaść isnavała ŭžo daŭno, i dziŭna, jak heta jašče nie stała dastupnym da ciapierašniaha momantu.
Google abviaściŭ, što dadaje funkcyju ŭ Google Docs, jakaja dazvalaje bačyć niedrukavanyja simvały, takija jak prabieły, tabulacyi i roznyja typy razryvaŭ. Paramietr, jaki budzie dastupny ŭ mieniu «Prahlad» (View), moža palehčyć redahavańnie dakumienta, pakazvajučy vam, jak mienavita jon adfarmatavany, a nie prymušaje vas spadziavacca tolki na ŭłasnaje adčuvańnie. Hetak ža novaja funkcyja moža być bolš karysnaj pry likvidacyi niepaładak farmatavańnia.
Raniej karystalnikam davodziłasia raźličvać na dadatki inšych vytvorcaŭ dla Google Docs, kab bačyć niedrukavanyja simvały. Niahledziačy na toje, što mnohim ludziam heta asablivaść nie treba, popyt na jaje, biezumoŭna, byŭ. Karystalniki pakidali niezadavolenyja kamientary na Google IssueTracker, u jakich nazyvali heta surjoznaj prablemaj z dakumientami Google, a taksama ździŭlalisia, jak heta funkcyja jašče nie stała dastupnaj.
Novaja funkcyja dazvolić lahčej prahladać i redahavać farmatavańnie ŭ dakumiencie. Prykładam, ciapier stanie lahčej zaŭvažyć roźnicu ŭ pamiery šryfta, adroźnivać abzac ad razryvu radka, vyznačać niekalki razryvaŭ abzacaŭ zamiest adnaho i vyjaŭlać inšyja dziŭnyja rečy. Mahčymaść bačyć farmatavańnie dazvalaje nieadkładna vypravić prablemu, bieź mietadu sprob i pamyłak.
Tamu niekatoryja karystalniki Google Docs, asabliva tyja, čyja prafiesijnaja dziejnaść źviazanaja z napisańniem vialikaj kolkaści tekstaŭ, užo vielmi ŭschvalavanyja źjaŭleńniem doŭhačakanaj funkcyi. Zhodna z paviedamleńniem Google, funkcyja budzie dastupnaja dla ŭsich dziełavych, adukacyjnych dy asabistych ulikovych zapisaŭ i pavinna być całkam razhornutaja da 7 lutaha, piša The Verge.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu13
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary