Śpiłbierh, Batler, Błanšet. U ZŠA prajšło ŭručeńnie premii «Załaty hłobus»
Film «Fabielmany» atrymaŭ «Załaty hłobus» u katehoryi «Najlepšy dramatyčny film». Premii za najlepšuju mužčynskuju i žanočuju roli ŭ dramatyčnych filmach — u Ościna Batlera i Kiejt Błanšet.
U ZŠA prajšła 80-ja cyrymonija ŭručeńnia premii «Załaty hłobus». Stužka «Fabielmany» Styviena Śpiłbierha stała łaŭreatam u katehoryi «Najlepšy dramatyčny film».
Jana zmahałasia za ŭznaharodu razam ź filmami «Avatar: šlach vady» Džejmsa Kemierana, «Ełvis» Baza Łurmana, «Tar» Toda Fiłda i «Top Han: Mevieryk» Džozefa Kasinski. Pieramožcu abviaściŭ režysior Kviencin Tarancina.
Film «Fabielmany» zasnavany na ŭspaminach Śpiłbierha pra dziacinstva ŭ Aryzonie i Kalifornii.
Śpis inšych pieramožcaŭ:
najlepšy film (miuzikł ci kamiedyja) — «Banšy Inišeryna»;
najlepšy režysior — Styvien Śpiłbierh («Fabielmany»);
najlepšy scenar — Marcin MakDonach («Banšy Inišeryna»);
najlepšy akcior (drama) — Ościn Batler («Ełvis»);
najlepšaja aktrysa (drama) — Kiejt Błanšet («Tar»);
najlepšy akcior (miuzikł abo kamiedyja) — Kolin Fareł («Banšy Inišeryna»);
najlepšaja aktrysa (miuzikł abo kamiedyja) — Mišel Jea («Usio ŭsiudy i adrazu»);
najlepšy animacyjny film — «Pinokia Hiljerma del Tora»;
najlepšy telesieryjał (drama) — «Dom Drakona»;
najlepšy telefilm, sieryjał abo mini-sieryjał — «Bieły łotas».
U žury premii była biełaruska Irena Kaciałovič.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary