Ich chočuć vydavać u asnoŭnym praz banki, a mahčymaść atrymlivać hrošy praz poštu źbirajucca pakinuć tolki dla niekatorych katehoryj.
Saŭmin nakiravaŭ na razhlad u parłamient zakonaprajekt «Ab źmienie zakonaŭ pa pytańniach sacyjalnaha absłuhoŭvańnia». Adna z prapanavanych źmienaŭ — vypłačvać piensii praz banki.
Ale dla niekatorych biełarusaŭ chočuć pakinuć mahčymaść atrymlivać piensii na vybar praz banki, poštu ci arhanizacyi, jakija zajmajucca dastaŭkaj hetych vypłat. Siarod ich — minčanie i žychary abłasnych i rajonnych centraŭ va ŭzroście ad 70 hadoŭ i starejšyja, a taksama tyja, chto starejšy za 65 hadoŭ i pražyvaje ŭ inšych nasielenych punktach. Taksama takuju mahčymaść chočuć pakinuć za ludźmi ź invalidnaściu I i II hrupy.
Ciapier biełarusy mohuć na svoj vybar atrymlivać piensii praz poštu, banki, a taksama arhanizacyi, jakija zajmajucca dastaŭkaj hetych vypłat. Takaja mahčymaść zamacavanaja ŭ zakanadaŭstvie ab piensijonnym zabieśpiačeńni.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary