Jamu było 44 hady.
6 studzienia raptoŭna pamior Illa Dałžankoŭ, udzielnik znakamitaha biełaruskaha fołk-hurta Osimira, u jakim muzykant adyhraŭ amal 20 hadoŭ, paviedamlaje «Budźma».
Mienavita ŭ hety pieryjad hurt apynuŭsia na viaršyni svajoj tvorčaj aktyŭnaści. Bieśpierapynnaja hastrolnaja dziejnaść pa krainie i ŭ zamiežžy, kantrakty ź viadomymi hastrolnymi ahienctvami, udzieł u šmatlikich najbujniejšych fiestyvalach u krainach Uschodniaj Jeŭropy.
Heta kali nie ŭličvać vystupleńniaŭ u vialikich i małych kancertnych załach blizkaha zamiežža i rodnaj krainy. Zaŭsiody ź impetam i cikavaściu Illa Dałžankoŭ udzielničaŭ va ŭsich padarožžach svajho hurta. Treba adznačyć, što ŭ nievialikija pierapynki pamiž pajezdkami Illa tut ža braŭsia za spravu padtrymańnia siamji — u roznyja časy jon mieŭ pracy, źviazanyja z budoŭlaj i pramysłovym alpinizmam.
Apošnim časam pracavaŭ achoŭnikam u škole, razam z byłym udzielnikam hurta Osimira, dudarom Kastusiom Kancavym, jaki pracavaŭ u toj ža škole ŭ jakaści mastaka.
Trahičnaje zdareńnie adbyłosia ŭviečary, kali Illa Dałžankoŭ užo skončyŭ pracu — papiarednie jon zastupiŭ na vachtu i rasčyściŭ śnieh. Mierkavana, pryčynaj kryzisu arhanizma paśla nahruzki mahła stać praca serca.
Ścipłaja maniera pavodzinaŭ, intelihientnaść, erudycyja i, hałoŭnaje, — nievierahodnaje pačućcio humaru — voś admietnyja rysy hetaha ščyraha i talenavitaha čałavieka, jakija zastanucca ŭ pamiaci siabroŭ i kaleh nazaŭsiody.
Raźvitańnie adbudziecca 9 studzienia, muzykanta pachavajuć u Mahilovie na Łaŭsanaŭskich mohiłkach.
-
Siadzibu Hrabnickich pad Ušačami kuplali ŭžo dvojčy — i voś jana znoŭ na aŭkcyjonie za adnu bazavuju
-
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj
-
U Mahilovie adkryli šyldu hubiernataru Dembavieckamu. Datu śmierci jamu napisali na hady raniejšuju za sprobu ŭciačy z Savieckaj Rasii
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač40
Kamientary