Stała viadoma, što 28 śniežnia na 93-m hodzie žyćcia pamior akcior Nacyjanalnaha akademičnaha teatra imia Maksima Horkaha Andrej Dudarenka. Infarmacyja źjaviłasia ŭ aficyjnym akaŭncie teatra ŭ sacyjalnaj sietcy.
Andrej Dudarenka naradziŭsia 10 kastryčnika 1930 hoda ŭ Rasii. U 1959 hodzie skončyŭ Leninhradski dziaržaŭny teatralny instytut teatra, muzyki i kiniematahrafii pa śpiecyjalnaści «akcior teatra i kino», pracavaŭ u šerahu rasijskich pravincyjnych teatraŭ.
Z 1988 hoda Dudarenka pracavaŭ u Minsku ŭ Ruskim teatry imia Horkaha. Za svaju karjeru ŭ teatry jon syhraŭ bolš za 30 hałoŭnych rolaŭ, a taksama źniaŭsia ŭ bolš čym 50 kinafilmach.
Dudarenka pracavaŭ ź viadomymi kinarežysiorami, u liku jakich Michaił Ptašuk, Uładzimir Chacinienka, Hienadź Pałoka, Alaksiej Hierman i inšyja. Samyja viadomyja filmy ź jahonym udziełam — «Chałodnaje leta 53-ha», «Moj siabar Ivan Łapšyn», «U žniŭni 44-ha» i inšyja.
Pa infarmacyi teatra, raźvitańnie z Andrejem Dudarenkam adbudziecca ŭ piatnicu, 30 śniežnia, u 11:30 u krematoryi Paŭnočnych mohiłak.
-
«U 2020-m chtości prystaviŭ nož da horła kiroŭcy, a chtości puknuŭ». Lidar «Drazdoŭ» vielmi dziŭna pakajaŭsia za 2020 hod
-
Hurtu «Drazdy», jaki źbiraŭsia kidać scenu praz zabaronu vystupać u bujnych haradach, dazvolili abłasnyja centry. Ale nie Minsk
-
U Homieli zavočna asudzili Andreja Stryžaka, Alaksieja Lavončyka i Sašu Źvieravu
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški45
Kamientary