Navalnaha dziaviaty raz za paŭhoda adpravili ŭ štrafny izalatar. Na hety raz z-za słova ***** u razmovie z sukamiernikam
Palityka Alaksieja Navalnaha, jaki znachodzicca ŭ VK-6 va Uładzimirskaj vobłaści, dziaviaty raz za šeść miesiacaŭ adpravili ŭ štrafny izalatar. U tvitary Navalnaha paviedamlajecca, što ŭ ŠIZA jon praviadzie 12 sutak.
Hetym razam Navalnaha adpravili ŭ ŠIZA za toje, što jon u razmovie z sukamiernikam užyŭ słova b****.
Palityk nazvaŭ ciapierašniaje rašeńnie Kamisii «samym cyničnym», bo milicyjanty «nie toje što ŭžyvajuć mat, a prosta razmaŭlajuć na im».
«Viartajusia ŭ kamieru, — piša Navalny, — tam moj raniejšy sukamiernik hladzić na mianie dzikimi vačyma: «Navošta ty znoŭ siudy? Tolki ž vyjšaŭ». Dy voś, kažu, dali 12 sutak za toje, što ŭ razmovie z taboj skazaŭ słova «b****».
Čuvak hladzić na mianie niekalki siekund, nie razumiejučy, žartuju ja ci nie, i, ubačyŭšy, što ja nie žartuju, kaža aburana: «b****, dy nie moža takoha być».
Jak adznačaje palityk, paśla papiaredniaha źniavoleńnia ŭ izalatary prajšli sutki. Za paŭhoda ŭ kałonii roŭna pałovu terminu jon pravioŭ u ŠIZA, havorycca ŭ paście.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary