U Stoŭbcach uračysta pierazachavali pareštki śviatara Fabijana Mališoŭskaha, pry jakim pabudavali miascovy kaścioł
Pry manachu Fabijanu Mališoŭskim ź jaho niepasrednym udziełam u Stoŭbcach byŭ u 1640 hodzie ŭźviedzieny katalicki chram imia Śviatoha Antonija. U žniŭni 1644-ha Fabijan Mališoŭski pamior i jaho pachavali ŭ pabudavanym im kaściole. U 1958 hodzie chram byŭ uzarvany, a pareštki Fabijana Mališoŭskaha ŭdałosia adšukać tolki ŭ minułym hodzie. Siońnia ich uračysta pierazachavali, paviedamlaje «Źviazda».
Na cyrymonii pierazachavańnia prysutničali apostalski nuncyj u Biełarusi Ante Jozič, archijepiskap Minska-Mahiloŭskaj jeparchii Juzaf Stanieŭski, upaŭnavažany pa spravach relihij i nacyjanalnaściaŭ Alaksandr Rumak, staršynia Minabłvykankama Alaksandr Turčyn.
Što ŭ minułym hodzie znajšli mienavita pareštki śviatara, paćvierdzili ekśpierty Śledčaha kamiteta, jakija praviali šerah ekśpiertyz, u tym liku ŭnikalnych. Vyvučalisia archiŭnyja dakumienty, apytvalisia śviedki. Naprykład, dla adnaŭleńnia źniešnaści pamierłaha śledčymi była pryznačana miedyka-kryminalistyčnaja ekśpiertyza, adpaviedna jakoj vykananaja hrafičnaja rekanstrukcyja pryžyćciovaha vobraza.
Śpiecyjalna dla cyrymonii pachavańnia pareštkaŭ Mališoŭskaha byŭ zrobleny sarkafah u vyhladzie čałaviečaha cieła ź mietaličnaj hałavoj.
Kamientary