Jeŭra ciapier stanie składaniej kupić? Što budzie z kursam? Tłumačyć ekanamist
Nacbank paviedamiŭ, što z 12 śniežnia jeŭra budzie vyklučany z košyka valut. Jaho dolu zojmie rasijski rubiel, paśla čaho na jaho budzie prychodzicca 60% valutnaha košyka. «Naša Niva» spytała ŭ ekanamista, na što mohuć paŭpłyvać hetyja źmieny.
Paśla vyklučeńnia jeŭra z valutnaha košyka jahony kurs adnosna biełaruskaha rubla budzie ŭstaloŭvacca na padstavie kros-kursaŭ, a nie pa vyniku handlu na biržy. Pa takim ža pryncypie ŭstaloŭvajucca kursy i na inšyja valuty, jakija nie ŭvachodziać u valutny košyk.
«Na kurs samoha biełaruskaha rubla hetaje rašeńnie amal nijak nie paŭpłyvaje, pakolki i raniej Nacyjanalny bank dla hetaha faktyčna aryjentavaŭsia na dalar ZŠA i ŭ mienšaj stupieni na rasijski rubiel», — kaža ekśpiert BEROC Źmicier Kruk.
Ekanamist źviartaje ŭvahu, što, niahledziačy na pavyšeńnie doli rasijskaha rubla ŭ košyku da 60%, kazać pra niejkuju bolš strohuju pryviazku da rasijskaha rubla nielha.
«Biełaruski rubiel praciahnie paŭtarać trajektoryju rasijskaha rubla, ale heta nielha nazyvać pryviazkaj», — ličyć ekśpiert.
Pry hetym adčuvalnyja źmieny ad vyklučeńnia jeŭra z valutnaha košyka ŭsio ž taki adbuducca. Heta rašeńnie pryviadzie da istotnaha zvužeńnia vykarystańnia jeŭra ŭ Biełarusi.
«Jeŭravyja rachunki i kolkaść najaŭnych budzie skaračacca. Zvuzicca mahčymaść karystacca aktyvami ŭ jeŭra i nabyvać ich», — miarkuje ekanamist.
Taksama jon dapuskaje, što paśla hetaha moža źniknuć mahčymaść pravodzić valutna-abmiennyja apieracyi ź jeŭra ŭ lubym abmiennym punkcie, jak heta adbyvajecca ciapier. U bankaŭ źmienšycca mahčymaść centralizavana dastaŭlać najaŭnyja jeŭra. Adzinym adnosna stabilnym kanałam dla pastupleńnia jeŭra ŭ krainu zastanucca fizičnyja asoby, jakija ŭvoziać u krainu valutu ź Jeŭropy.
«Taksama vierahodna, što pastupova banki pierastanuć prapanoŭvać jeŭravyja depazity, zvuzicca mahčymaść atrymańnia kredytaŭ u jeŭra dla jurasob. Ale tym nie mienš, da niejkich hłabalnych źmien heta nie pryviadzie», — ličyć ekanamist.
Samo rašeńnie Nacbanka Źmicier Kruk nazyvaje dosyć łahičnym, pakolki pracentnyja suadnosiny valut u košyku zaležać ad abjemaŭ źniešniaha handlu.
«Praz sankcyi handal ź jeŭrazonaj značna skaraciŭsia, a z RF vyras, tamu rasijski rubiel zaniaŭ miesca jeŭra. Taksama ŭ Biełarusi pavialičyŭsia abjom handlu z Kitajem, tamu letam Nacbank dadaŭ jaho da valutnaha košyka».
Čytajcie taksama:
Biełarusam prapanujuć rabić układy ŭ juaniach. Ci heta vyhadna?
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary