Uzdoŭž bierahoŭ Śvisłačy ŭ Minsku raście papulacyja babroŭ. Pra hetuju haradskuju prablemu raskazali ŭ efiry «Biełaruś 1».
Babry aktyŭna zasialajuć račnyja zatoki ŭ roznych častkach horada. Tut žyvie ŭžo niekalki siemjaŭ, a pra ich prysutnaść śviedčać padtočanyja stvały dreŭ u parkach i skvierach kala Śvisłačy.
Supracoŭniki Zielanbuda, kab nie dapuścić padzieńnia drevaŭ, aharodžvajuć vierby i asiny, asabliva šanavanyja babrami, žaleznymi sietkami.
«Abmotvańnie dreŭ sietkaj — całkam dobry mietad, kab abmiežavać im dostup da hetaha dreva, — tłumačyć Rusłan Šajkin, dyrektar Centra ekałahičnaha vychavańnia i raźvićcia. — Pabačyŭšy, što mienavita ŭ hetym miescy drevy abaronienyja, babram stanovicca niekamfortna, bo im niama charčavańnia, niama mahčymaści budavać niejkija svaje chatki i h.d. Mahčyma, jany i sami zmohuć z časam pakinuć hetuju terytoryju».
Pakul, adnak, jak adznačajuć ekśpierty, hryzuny fłory Minska asablivaj škody nie nanosiać. Ale kolkaść ich usio ž trymajecca pad asablivym kantrolem pryrodaachoŭnych viedamstvaŭ. U vypadku pieranasielenaści babroŭ buduć adłoŭlivać i vyvozić za miežy horada.
Čytajcie taksama:
«Najlepšy adpačynak — kubak kavy ź vidam na babroŭ». Vučony-bijołah adkryŭ ahrasiadzibu ŭ lesie z ručnymi vaŭkami i vydraj
Jak na Łahojščynie ratavali babroŭ, što patrapili ŭ pastku
Žyvioły suprać drevaŭ: u Viciebsku babry zhryźli aleju, a ŭ Brasłavie abvinavačvajuć sabak u źniščeńni sadžancaŭ
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ141
Kamientary