«Chapun» u Miorach: zabirali za pratesnyja foty i nie tolki rabotnikaŭ zavoda
U Miorach siłaviki 30 listapada paśla pieratrusaŭ zatrymali siem čałaviek. Siarod ich prynamsi adna žančyna. Najstarejšamu, jakoha nazyvajuć nastaŭnikam historyi, 72 hady. Nahodaj dla zatrymańniaŭ stali nibyta fotazdymki z pratesnaj simvolikaj u sacyjalnych sietkach dy padpiski na «ekstremisckija» telehram-kanały.
Pa ludziej, kažuć krynicy «Našaj Nivy», pryjazdžali razam ź miascovymi milicyjantami viciebskija śpiecsłužboŭcy na dvuch busach. Apieracyjaj kiravaŭ KDB.
«Zatrymanych moža być bolš, bo 30 listapada ŭ rajadździele milicyi było šmat dastaŭlenych ludziej, nie tolki z zavoda. Čamu ich tudy pryvieźli, nieviadoma», — adznačyŭ adzin z žycharoŭ rajona.
Na hety momant niama źviestak, ci zastajucca zatrymanyja ŭ rajcentry abo ich źvieźli ŭ Viciebsk.
Pra zatrymańni na mietałaprakatnym zavodzie ŭ Miorach 30 listapada paviedamiŭ pravaabarončy centr «Viasna». Pavodle jaho, zabirali tych, chto byŭ aktyŭnym paśla vybaraŭ 2020 hoda. Imia adnaho z zatrymanych — Siarhiej Jerafiejeŭ.
«Chapun» u Miorach adbyŭsia na fonie prablem ź miascovym mietałaprakatnym zavodam. Łukašenka rašyŭ nacyjanalizavać jaho. Takija namiery jon patłumačyŭ tym, što «pryvatniki nie vykanali svaje abaviazalnictvy» i «idealnaje pradpryjemstva pieratvaryli ŭ bankruta».
Pavodle miascovych žycharoŭ, paradki na zavodzie jak na abaronnym pradpryjemstvie, i jany starajucca trymacca padalej ad jaho prablem. Razam z tym, los zavoda ich cikavić, bo heta adzinaje bujnoje pradpryjemstva ŭ rajonie.
U Pastavach masavyja zatrymańni i vobšuki. Achviarami siłavikoŭ stali bolš za 10 čałaviek
U Breście KDB razhortvaje «spravu strałkovych kłubaŭ»
«Dla mianie lidar toj, chto nie źjechaŭ». Raspytali biełarusaŭ, što jany dumajuć pra Cichanoŭskuju, Kabiniet i emihracyju
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary