Maryju Kaleśnikavu pryvieźli ŭ balnicu ŭ ciažkim stanie. Advakata dahetul nie puskajuć, a dyjahnaz admaŭlajucca havaryć, paviedamlaje telehram-kanał Viktara Babaryki.
Baćka Maryi Alaksandr Paŭłavič znachodzicca ŭ balnicy Homiela. Kantakty baćki i daktaroŭ adbyvajucca ŭ prysutnaści supracoŭnikaŭ Ministerstva ŭnutranych spraŭ.
Maryju pryvieźli ŭžo ŭ ciažkim stanie. Nieviadoma, kali joj stała drenna, bo advakata nie puskajuć z 17 listapada.
Apieracyja prajšła płanava i paśpiachova, ale Maryja ŭsio jašče znachodzicca ŭ ciažkim stanie. Pa słovach daktaroŭ, jana ŭ prytomnaści, nieabchodnaje lačeńnie i leki joj pradastaŭlajucca.
Dyjahnaz nie kažuć navat baćku: nibyta nieabchodnaja zajava abo raśpiska ab tym, što Maryja dazvalaje. Pa niepaćvierdžanaj infarmacyi, u Maryi prabadnaja jazva.
Advakata da Maryi nie puścili, baćku taksama.
Kali vy ci vašy znajomyja pracujuć u balnicy Homiela i vy majecie bolš infarmacyi pra Maryju Kaleśnikavu, pišycie nam u @nasa_niva_bot ci na [email protected]. Albo — asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
Kamientary