Čałaviectva stała jašče na krok bližej da štučnaha miasa. Navukoŭcy dakazali jaho biaśpiečnaść
Upraŭleńnie pa kantroli za charčovymi praduktami i miedykamientami ZŠA abviaściła, što miasa, stvoranaje ŭ łabaratoryi z kurynych kletak bieź nieabchodnaści zabojstva žyviołaŭ, takoje ž biaśpiečnaje, jak i zvyčajnaje.
Kampanija UPSIDE Foods, jakaja zajmajecca vyroščvańniem miasa, zaviaršyła praces kansultacyj z amierykanskim Upraŭleńniem pa kantroli za charčovymi praduktami i miedykamientami (FDA) pierad vychadam na rynak. Ahienctva nie znajšło pryčyn sumniavacca ŭ zajavach kampanii ab biaśpiecy łabaratornaha miasa, piša Gizmodo.
UPSIDE Foods vykarystoŭvaje nievialikuju kolkaść kurynych kletak + pažyŭnyja rečyvy biez zaboju žyvioł. Kampanii na praciahu doŭhaha času biezvynikova zmahalisia za adabreńnie rehulatarami miasa z prabirak u ZŠA. A biez uzhadnieńnia FDA nivodzin vytvorca nie pačynaŭ vypuskać svaju pradukcyju ŭ tavarnym maštabie.
Niahledziačy na toje, što technična heta nie «praces zaćviardžeńnia», acenka FDA aznačaje zialonaje śviatło dla technałohii i mietadu vytvorčaści kampanii.
Kultyvavanaje miasa na praciahu mnohich hadoŭ raskručvałasia jak patencyjnaje rašeńnie mnostva ekałahičnych niedachopaŭ tradycyjnaj žyviołahadoŭli. Niahledziačy na toje, što niekatoryja daśledavańni staviać pad sumnieŭ faktyčnuju karyść dla navakolnaha asiarodździa vyraščanych u łabaratoryi bifšteksaŭ, file i halonak, nasamreč ciažka vymierać upłyŭ hetaj technałohii na klimat i zabrudžvańnie, bo «miasa biez žyvioł» zastajecca pakul što ŭ asnoŭnym tearetyčnym praduktam.
Kali UPSIDE zachoča pradavać svaju pradukcyju ŭ kramach, im daviadziecca prajści dadatkovy kantrol z boku Ministerstva sielskaj haspadarki ZŠA i Słužby biaśpieki i inśpiekcyi charčovych praduktaŭ.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary
Kohda v Amieriku načali sotniami tysiač pribyvať nieučtiennyje nielehalnyje immihranty iz Mieksiki -bolšie vsieho etomu radovaliś i privietstvovali priedstavitieli diemokratičieskoj partii. Hubiernatorov Fłoridy Die Santis očieriednuju takuju partiju biežienciev viežlivo usadił v kołonnu avtobusov i otvioz v tot horodok hdie živut Obama i pročije top lidiery diemokratičieskoj partii. Potomu čto ludi dołžny połučať chorošieje. I čto by vy dumali? Vniezapno tam nie našłoś miesta. I voobŝie im tam miesta niet. I voobŝie pusť łučšie ich viezut v druhoje miesto.
Eto ja pišu k tomu, čto iskusstviennoje miaso oni diełajut dla nas, a sami po-priežniemu budut jesť naturalnoje, poetomu nie pokupajtieś na etu čuš.