Daniłaŭ: Ukraina ŭmacoŭvaje miežy, bajučysia napłyvu ŭciekačoŭ ź Biełarusi i Rasii
Sakratar Rady nacyjanalnaj biaśpieki i abarony Ukrainy Alaksiej Daniłaŭ u efiry nacyjanalnaha telemarafona zajaviŭ, što Polšča pabudavała ścianu na miažy ź Biełaruśsiu «nie tolki ŭ metach vajennaj biaśpieki», ale i z-za «situacyi ź biežancami». I Ukraina hetaj niebiaśpieki taksama aścierahajecca dy prymaje previentyŭnyja zachady.
Alaksiej Daniłaŭ nie sumniajecca, što ŭsie cyvilizavanyja krainy ŭ chutkim časie abaviazkova sutyknucca ź vialikaj płyńniu biełaruskich i rasijskich biežancaŭ.
«Ja chaču, kab my z vami razumieli: kali palaki i Jeŭropa pabudavali miežy, akramia taho, što heta z punktu hledžańnia vajskovaj biaśpieki, dyk jość jašče pytańni biaśpieki ŭciekačoŭ.
Kali jany ŭ vialikaj kolkaści pačnuć biehčy z RF i Biełarusi na terytoryju cyvilizavanych krain — heta tolki pytańnie času», — ličyć sakratar RNBA.
A pakolki Ukraina taksama «źjaŭlajecca častkaj jeŭrasupolnaści», to «ŭmacoŭvaje miažu tak, jak zrabili palaki», zajaviŭ Daniłaŭ.
«Praca pačałasia, budzie praciahvacca. My nie budziem ni na što źviartać uvahu», — zajaviŭ čynoŭnik.
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?2
Kamientary
A voś ź jakoj nahody my staniem biežancami heta inšaje pytańnie.