«Infapojnt» raspaŭsiudziŭ zvarot da krynic «Čornaj knihi Biełarusi»
Kamanda «Infapojnta», datyčnaja da stvareńnia prajekta «Čornaja kniha Biełarusi», źviarnułasia da tych ludziej, jakija adpraŭlali dla jaje infarmacyju. Kamanda prosić ich źviarnuć uvahu na svaju biaśpieku i nazyvaje tyja kroki, jakija jany pa mahčymaści pavinny zrabić u najbližejšy čas.
Kamanda «Infapojnta», jakaja supracoŭničaje ź niekatorymi byłymi členami kamandy «Čornaja kniha Biełarusi», źviarnułasia da ŭsich, chto praz čat-bot mieŭ znosiny z hetym kanałam u 2020-2021 hodzie.
Kamanda «Infapojnta» prosić ludziej pamianiać numar telefona i vydalić akaŭnt na telehramie, a kali jość mahčymaść — zavieści novy na niebiełaruski numar.
Kali jość mahčymaść, takim ludziam pažadana pakinuć terytoryju Biełarusi, kab praduchilić patencyjalny kryminalny pieraśled i aryšt.
Taksama «Infapojnt» prosić raspaŭsiudzić hetu infarmacyju siarod tych znajomych i siabroŭ, jakim ludzi daviarajuć.
«My škadujem ab čaradzie padziej, jakaja paciahnuła za saboj ukaranieńnie ahienta ŭ «Čornuju knihu Biełarusi». My praciahvajem pracu pa vyśviatleńni detalaŭ taho, što zdaryłasia, pry dapamozie byłych udzielnikaŭ «Čornaj knihi Biełarusi» i BYPOL, i budziem trymać vas u kursie», — zaviaršajuć svoj zvarot pradstaŭniki «Infapojnta».
Raniej stała viadoma, što ź vieraśnia 2020 hoda i da kanca maja 2021 hoda ŭ kamandu telehram-kanała «Čornaja kniha Biełarusi» byŭ ukaraniony ahient biełaruskich śpiecsłužbaŭ Artur Hajko. Ciaham hetych miesiacaŭ jon mieŭ dostup da mnohich unutranych materyjałaŭ «Čornaj knihi Biełarusi», a niekatory čas byŭ navat faktyčnym kiraŭnikom prajekta. Jaho dziejnaść užo pałamała žyćci mnohim ludziam.
Čytajcie taksama:
Prakuror, supracoŭnik banka, načalnik adździeła Life. Kaho mahli zatrymlivać pa spravie «Čornaj knihi Biełarusi», dzie pracavaŭ ahient HUBAZiKa
«Kazaŭ, što ŭ jaho maci ŭ zakładnikach i my ničoha nie razumiejem». Byłaja redaktarka ČKB pra situacyju z ahientam u kamandzie
Hubazikaviec dzieviać miesiacaŭ byŭ u kamandzie Čornaj knihi Biełarusi. I ŭrešcie ŭznačaliŭ jaje
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale12
Kamientary