Vierka Siardziučka pradaje Rolls-Royce Fredzi Merkjury na aŭkcyjonie «Sotbis»
Ukrainski artyst Andrej Daniłka, bolš viadomy pad sceničnym psieŭdanimam Vierka Siardziučka, vystaviŭ na samym viadomym aŭkcyjonie śvietu «Sotbis» unikalny łot — Rolls-Royce Silver Shadow 1974 hoda vypusku, na jakim da apošnich dzion žyćcia jeździŭ Fredzi Merkjury. Usiu sumu ad prodažu Daniłka achviaruje na budaŭnictva reabilitacyjnaha centra va Ukrainie.
Aŭto stanie asabistym układam artysta ŭ stvareńnie sučasnaha centra reabilitacyi i pratezavańnia i centralnym łotam na samym hrandyjoznym aŭkcyjonie «Sotbis» za ŭsiu historyju.
Pa słovach Andreja Daniłki, kali jon niekali kuplaŭ hety znakavy aŭtamabil, to chacieŭ ci padaryć jaho muzieju Queen ci zrabić častkaj vialikaj ekspazicyi va Ukrainie. Ale ciapier, u składany dla ŭkrainskaha naroda čas, vyrašyŭ, što sierabrysty «Rołs-Rojs» stanie inviestycyjaj u budučyniu krainy.
Aŭkcyjonny dom taksama prajaŭlaje dobruju volu i nie biare z prodažu svajho pracentu, jak heta byvaje zvyčajna. Usie 100 % buduć pieraličanyja na dabračynnuju metu.
Pieršy sučasny reabilitacyjny centr va Ukrainie Superhumans pačnie pracu ŭžo ŭ pačatku 2023 hoda. Dla budaŭnictva kamanda Superhumans pryciahvaje padtrymku dabračyncaŭ z usiaho śvietu. Prajekt raniej užo padtrymali takija viadomyja asoby, jak śpiavak Stynh i jahonaja žonka Trudzi, brytanski biznesmien Ryčard Brensan, pieršaja ledzi Ukrainy Alena Zielenskaja, amierykanski akcior Lijeŭ Šrajbier.
Tarhi na aŭkcyjonie, na jakija vystaŭlenaja lehiendarnaja mašyna, adbuducca ŭ Łondanie 5 listapada.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond1
Kamientary