«Rost popytu na biełaruskaść». U «Trybuny» źjaviłasia biełaruskamoŭnaja viersija
Samy papularny biełaruski spartyŭny sajt «Trybuna» (by.tribuna.com) pierazapuściŭsia, i ciapier jon maje i biełaruskamoŭnuju viersiju. Navošta i jak heta było zroblena? Spytali ŭ kiraŭnika prajekta Maksima Bierazinskaha.
Maksim raspaviadaje, što źjaŭleńnie biełaruskamoŭnaj viersii «Trybuny» stała adkazam na rost popytu na biełaruskaść.
Bierazinski tłumačyć, što da padziej 2020 hoda i 24 lutaha ciapierašniaha hoda, kali pačałosia maštabnaje ŭvarvańnie Rasii va Ukrainu, čytać «Trybunu» pa-biełarusku zhadzilisia b kala 5-7 adsotkaŭ aŭdytoryi. Ciapier ža, hledziačy na vyniki praviedzienaha sajtam apytańnia, na taki krok hatovyja bolš za pałovu čytačoŭ: «Nie viedaju, ci ŭsie vykarystajuć takuju mahčymaść zaraz — budziem nazirać. Nam samim vielmi cikava, jaki adsotak ludziej hatovy da takoj miakkaj biełarusizacyi na spravie, a nie na słovach».
— Mienavita ciapier, kali pavialičyłasia kolkaść ludziej, jakija hatovyja karystacca biełaruskaj movaj, važna jaje prasoŭvać, — kaža kiraŭnik «Trybuny». — Tym bolš što «ciapier taki čas, kali kožny pavinien rabić dziela Biełarusi toje, što jon moža rabić».
Maksim miarkuje, što taki padychod dapamoža častcy ludziej chutčej zvyknucca z užyvańniem biełaruskaj movy i, mahčyma, pierajści na jaje. Tak čałaviek budzie nie śpiecyjalna vyvučać movu, a čytać na joj, naprykład, naviny sportu.
Namahańnie bolš čytać pa-biełarusku, ličyć Maksim, heta toj układ, jaki moža zrabić kožny biełarus dziela zachavańnia krainy i niezaležnaści.
Adnačasova sa stvareńniem biełaruskamoŭnaj viersii resursu «Trybuna» całkam pierazapuściła ŭvieś sajt. Novaja viersija miedyja, tłumačyć Bierazinski, pakul što krychu abmiežavanaja ŭ paraŭnańni ź minułaj: «Nichto ŭ kamandzie nie rabiŭ takija maštabnyja pierajezdy. Heta nialohkaja praca, jakaja lehła na plečy kamandy raspracoŭki. Nam było kryšačku lahčej, tamu što my rabili novuju płatformu pad dźvie krainy — Ukrainu (Maksim maje na ŭvazie resurs ua.tribuna.com — «NN») i Biełaruś. Ale ŭsio adno ličym, što vykacili viersiu 0.9. Pakul tam nie chapaje šmat zvykłaha funkcyjanału — pošuku pa tehach (pakul možna šukać tolko praz Google), statystyki pa chakiei, baskietbole i inšych hulniavych vidaŭ sporta, akramia futboła. Budziem namahacca jak maha chutčej viarnuć hetyja fičy».
Maksim raskazvaje, što rost popytu na biełaruskaść adbiŭsia navat na pošuku supracoŭnikaŭ: «Cikava, što mienavita pad abviestku pra biełaruskuju movu nam pryjšło značna bolš reziumie, čym zvyčajna. Mnohija ludzi prapanavali dapamohu i hatovyja byli pracavać navat biez hrošaj. Heta vielmi pryjemna. Sapraŭdy, staŭleńnie da biełaruskaj movy mianiajecca tut i ciapier. I my radyja, što zmahli adkazać na heta zapyt aŭdytoryi».
«Naša Niva» — bastyjon biełaruščyny
PADTRYMAĆKazły, rep i narkaman: jak zorki biełaruskaha futboła hulajuć u amatarskaj kamandzie ŭ Rasii
«Dapamahaju Ukrainie jak mahu. Kali ni ŭ što nie vieryć, našto tady žyć?» — biełaruski futbalist Zołataŭ
Z kim futbolnaja zbornaja Biełarusi zhulaje ŭ adbory na Jeŭra-2024
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary