Pres-sakratar prezidenta Rasii zajaviŭ, što płatformaj dla pieramovaŭ Uładzimira Pucina z prezidentam ZŠA Džo Bajdenam mahło b stać žadańnie Štataŭ prysłuchacca da «zaniepakojenaści Rasii» ŭ tak zvanych «harantyjach biaśpieki Rasii», paviedamlaje RBK.
«Žadańnie Złučanych Štataŭ prysłuchacca da našaj zaniepakojenaści, heta značyć faktyčna žadańnie Złučanych Štataŭ viarnucca da stanu na śniežań-studzień i pastavić pytańnie: toje, što prapanujuć ruskija, moža być, nie ŭsio nas zadavalniaje, ale, moža być, varta sieści za stoł pieramovaŭ. Ja maju na ŭvazie prajekty dakumientaŭ, jakija byli pieradadzienyja i ŭ Brusiel, i ŭ Vašynhton», — zajaviŭ Piaskoŭ.
Nahadajem, MZS Rasii apublikavała prajekty dahavora pamiž Rasijaj i ZŠA ab harantyjach biaśpieki i pahadnieńnia ab mierach zabieśpiačeńnia biaśpieki Rasii i dziaržaŭ — členaŭ NATA 17 śniežnia minułaha hoda. U dakumiencie, u pryvatnaści, baki abaviazvajucca likvidavać usiu najaŭnuju infrastrukturu dla razhortvańnia jadziernaj zbroi pa-za miežami svajoj terytoryi, demanstravać strymanaść u vajennym płanavańni i nie zakranać biaśpieku adzin adnaho.
Na Zachadzie rasijskija prapanovy nie sustreli entuzijazmu.
«My nie pojdziem na kampramis pa asnoŭnych pryncypach… Adzin z hetych pryncypaŭ — heta prava nacyj na vybar ułasnaha šlachu. NATA pavažaje rašeńnie krain, jakija chočuć ŭstupać u aljans abo nie. Kali Ukraina vyrašyć nie ŭstupać, jak heta zrabiła Šviecyja, my budziem zychodzić z pavahi prava na samavyznačeńnie. Takoha rodu rašeńni pavinny prymacca šlacham kansiensusu pamiž sajuźnikami i z ulikam namieraŭ krainy, jakaja padaje zajaŭku na ŭstupleńnie», — zajaviŭ u svaju čarhu Stołtenbierh.
-
Prezident Kuby zajaviŭ, što mahčymy vajenny napad ZŠA na krainu pryviadzie da kryvavaj bojni ź niepradkazalnymi nastupstvami
-
Sud adchiliŭ hučny pazoŭ Iłana Maska suprać kampanii OpenAI i jaje kiraŭnika Sema Altmana
-
Tramp zajaviŭ, što admianiŭ novy ŭdar pa Iranie pa prośbie lidaraŭ Katara, AAE i Saudaŭskaj Aravii
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
v 1991 hod ???
I eto, - pośle raźviazannoho hienocida ukrainciev, pośle anieksii 25 % tierritorii Ukrainy ???
Oni obkuriennyje ili obdołbannyje, ili vsio vmiestie ???