U filmach žachaŭ i historyjach ab pryvidach ciemra časta asacyjujecca ź niečym strašnym. Šmat dla kaho, asabliva dla dziaciej, heta moža vylicca ŭ sapraŭdny strach ciemry. Ale psichołahi tłumačać, što ŭ hetaha strachu našmat bolš surjoznyja pryčyny, jakija zusim nie abmiažoŭvajucca źjavami masavaj kultury.
Strach ciemry — davoli papularnaja reč, asabliva siarod dziaciej. Strachi ŭvohule źjaŭlajucca narmalnaj častkaj raźvićcia dziciaci, i ŭ bolšaj častki dziaciej strach pierad ciemraj z časam prachodzić.
Navukoŭcy schilnyja adnosić hetuju fobiju da tak zvanych hatovych strachaŭ, što aznačaje: my hatovyja abo schilnyja bajacca niekatorych rečaŭ bolš, čym inšych. Takija strachi vynikajuć z taho, što było niebiaśpiečnaje dla našych dalokich prodkaŭ. Naprykład, heta strachi vyšyni, pavukoŭ, źmiej i ciemry, tłumačyć Huffpost.
Kali ŭ ciemry jość drapiežniki, naŭrad ci vy ich pabačycie, i dla staražytnych ludziej heta taksama było aktualna. Mierkavana, tyja ludzi, jakija paźbiahali niebiaśpiečnaj ciemry, mieli bolš šansaŭ vyžyć u staražytnym śviecie, i tamu šlacham evalucyi hety strach pieradaŭsia nam.
Toj, chto baicca ciemry, nasamreč moža nie lubić niavyznačanaść, jakuju hetaja ciemra z saboj niasie. Bolšaść rečaŭ, jakija parušajuć naš spakoj, — heta rečy, jakija my nie možam kantralavać i ličym niepradkazalnymi, i ciemra — adna ź ich. Kožny raz, jak my uvachodzim u ciomny pakoj ci bačym čornaje načnoje nieba, na pamiać mohuć pryjści vyjavy ź filmaŭ žachaŭ, a dzieci mohuć padumać pra monstraŭ.
Taksama ludzi mohuć bajacca ciemry, kali ŭ takich abstavinach ź imi kaliści zdaryłasia niešta drennaje, naprykład, nočču na ich napali ci ich abrabavali. U takim vypadku čałaviek moža pačać asacyjavać tuju drennuju padzieju ź ciemraj i načnym časam. Strach ciemry moža być i častkaj posttraŭmatyčnaha stresavaha razładu — źjavy, ź jakoj varta źviarnucca pa dapamohu da psichaterapieŭta.
Narešcie, važna adsočvać svoj strach ciemry i zaŭvažać, kali jon pačynaje pieraškadžać vašamu zvyčajnamu žyćciu, dabrabytu i adnosinam ź inšymi ludźmi. Kali z vami takoje zdaryłasia, psichaterapija moža palepšyć vaš stan.
«Ciapier ja razumieju, jakim byŭ durniem». «Terapija nie adrazu daje efiekt». Čatyry realnyja biełaruskija historyi pra depresiju
«Siabar siamji» (A Friend of the Family) — samaja ŭražalnaja kryminalnaja historyja, što tolki možna siabie ŭjavić
«U tych, chto pieražyŭ hora straty Radzimy, niama adčuvańnia budučyni». Jak harujuć biełarusy
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy14
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary