«Siabar siamji» (A Friend of the Family) — samaja ŭražalnaja kryminalnaja historyja, što tolki možna siabie ŭjavić
U asnovie hetaha sieryjała lažyć realnaja historyja — choć, kali jaje čuješ, zdajecca, heta niejki siur, piša Guardian.
U siamji Brobierhaŭ źjavilisia novyja siabry — Bob i Hiejł Bierchtaldy, susiedzi. Ź ciaham času Bob robicca apantany 12-hadovaj Džen, dačkoj Brobierhaŭ.
Jon vykradaŭ jaje dvojčy. Pieršy raz heta zdaryłasia ŭ 1974 hodzie, tady Bierchtald utrymlivaŭ jaje na praciahu miesiaca i z dapamohaj składanaj schiemy ŭpeŭniŭ dziaŭčynu, što ich skrali inšapłanietniki. Mańjak zrabiŭ mahnitafonny zapis, jaki ŭklučaŭ dla Džen, kali nakačanaja narkotykami dziaŭčyna była pryviazanaja da łožka ŭ jaho domie, i ad imia «pryšelcaŭ» raskazaŭ niavolnicy ŭ zapisie: jana — napałovu inšapłanietnica i pavinna praciahnuć rod, kab vyratavać svaju inšapłanietnuju rasu. Za toj miesiac Džen pavieryła ŭ hetuju historyju.
Kali Džen viarnułasia ŭ siamju, jaje baćki praciahvali družyć ź Bierchtaldami. Baćka dziaŭčyny bajaŭsia, što stanie viadoma pra jaho homaseksualnuju suviaź z Bobam, a maci Džen sama zaviała raman z hetym mańjakam.
I praz dva hady Bierchtald skraŭ Džen druhi raz.
U 2003 hodzie, praz 29 hadoŭ paśla tych padziej, Džen i jaje maci vypuścili knihu pra tyja padziei, paźniej vyjšaŭ dakumientalny film. A sieryjał «Siabar siamji» sprabuje znajści adkaz na pytańnie, jak, čamu heta ŭvohule było mahčyma.
Paśla vychadu dakumientałki baćkoŭ Džen aktyŭna krytykavali za toje, što jany nie abaranili svajoj dački, paddalisia manipulacyjam Bierchtalda, prymusili jaje hadami pakutavać i, jak minimum, čamu nie abarvali ŭsio suviazi ź Bierchtaldam paśla pieršaha vykradańnia.
U sieryjale pakazvajuć, čamu i jak takoje moža zdaracca.
Džejk Łejsi, jaki hraje Boba Bierchtalda, chavaje svaju apantanaść Džen za manipulacyjami i paŭpraŭdaj, i manipuluje taksama i svajoj žonkaj, kali treba prykryćcio. Baćki Džen traplajuć u splecienyja mańjakam sietki, bo ich paralizuje strach taho, «a što skažuć ludzi». Davierlivaść paroju robić nas biezdapamožnymi.
Ale pierš za ŭsio heta detalovy razbor taho, jak usio niaprosta byvaje časam u žyćci vakoł nas i nakolki drapiežniki metanakiravanyja ŭ dasiahnieńni svaich brudnych metaŭ, jak daloka jany hatovyja pajści, pry hetym miła ŭśmichajučysia.
Rejtynhi na vialikich suśvietnych resursach:
IMDB — 7,1/10
Rotten Tomatoes — 90%
Što pahladzieć. «Klea» — sieryjał pra ahientku Štazi
Što pahladzieć. Adkryjcie dla siabie Hadara
Što pahladzieć. «Tehieran» — papularny špijonski sieryjał, jaki vy mahli prapuścić
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy77
Kamientary