Kampanija «Dabranom» z pačatku hoda zarehistravała 94 novych kramy, śviedčać dadzienyja Handlovaha rejestra Biełarusi. U toj ža čas lidar pryvatnaha siektara, «Jeŭrahandal», zarehistravaŭ sa studzienia prykładna na tracinu mienš kram — 62.
Takim čynam, sietka «Dabranom» u 2022 hodzie pierasiahnuła paroh u 800 handlovych kropak i nabližajecca da adznaki 900. Dakładnaja kolkaść mahazinaŭ u rejestry na dadzieny momant — 867. Jany pracujuć pad brendami «Dabranom», «Kapieječka» i «Majak».
Pry hetym sietka «Jeŭrahandal» zachoŭvaje pazicyju na ŭzroŭni bolš za tysiaču handlovych abjektaŭ. U asnoŭnym heta kramy «Jeŭraopt» i «Chit!»i kala siami dziasiatkaŭ dyskauntaraŭ «Hrošyk». Taksama možna ŭličyć ałkaholnuju sietku «Siem piatnic», afilijavanych z «Jeŭrahandlem», — amal 90 kram.
Na dadzieny momant i «Dabranom», i «Jeŭrahandal» — najbujniejšyja roźničnyja sietki ŭ krainie, kali nie ličyć kantralavanaha dziaržavaj Biełkaapsajuza. Heta abjadnańnie zajaŭlaje, što kolkaść kram jaje sietki «Rodny kut» pieravyšaje dźvie tysiačy.
Pry hetym niadaŭna DFR raspačaŭ kryminalnuju spravu suprać dvaich słužbovych asob sietki «Dabranom». Jany abvinavačvajucca ŭ pavyšeńni cenaŭ z 6 pa 7 kastryčnika nie mienš, čym pa 30 pazicyjach.
Čytajcie taksama:
Zatrymali dvaich mieniedžaraŭ sietki kram «Dabranom» — jany pavysili ceny ŭ dzień raznosu Łukašenki
-
Pry ŭźviadzieńni doma ŭ Minsku budaŭniki zamianili kieramzitabieton na «hipsakardon». Ludzi zabili tryvohu
-
«Zładzili maleńki Kitaj». Što viadoma pra novuju vytvorčaść chaładzilnikaŭ u Baranavičach
-
«Hałoŭnaja krynica vydatkaŭ — heta časta adnosiny». Ajcišnik raskazaŭ, jak za try hady kupiŭ kvateru ŭ Tbilisi z zarobku
Ciapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ20
Kamientary