U Śvietłahorsku łamajuć padmurak hrandyjoznaha Ladovaha pałaca, kab pabudavać što ściplejšaje
Unutry aharodžanaj placoŭki la stadyjona «Papiernik», dzie 11 hadoŭ tamu pačali budavać śvietłahorskuju ladovuju arenu, paśla doŭhich hadoŭ prastoju pačałosia ažyŭleńnie: rabočyja vydalajuć vyrasłyja tut za hady prastoju dreŭcy, ekskavatary razryvajuć padmurak, pahruzčyki vyciahvajuć ź ziamli ciažkija bietonnyja błoki. Pavodle infarmacyi miascovaj haziety «Ranak», placoŭku rychtujuć da novaj budoŭli.
Mahčyma, u nastupnym hodzie budzie adkryta finansavańnie na ŭźviadzieńnie pieršaj čarhi Śvietłahorskaha centra hulniavych vidaŭ sportu — Ladovaha pałaca, miarkuje vydańnie.
«Na siońniašni dzień mahu tolki paŭtaryć, što z abłasnoha biudžetu nam paabiacali vydzielić u hetym hodzie niekatoruju sumu na adnaŭleńnie budaŭnictva «Ladovaha», — paviedamiła «Ranku» na ŭmovach ananimnaści krynica ŭ budaŭničaj halinie Śvietłahorskaha rajona. — Prajekt [Centra hulniavych vidaŭ sportu] padvierhnuŭsia hruntoŭnaj karekciroŭcy, ciapier jon nie taki ahramadny, bolš ścipły budzie. Ciapier tam viaducca raboty pa padrychtoŭcy da budoŭli, prybirajuć ź placoŭki toje, što tam užo nie treba».
Na budplacoŭcy praca tym časam kipić: zrazajuć i vykarčoŭvajuć maładyja dreŭcy, vyvaročvajuć ź ziamli niepatrebnyja ŭžo bietonnyja padmurkavyja błoki. Chtości navat bačyŭ, što na placoŭcy pracavała śpiecyjalnaja drabniłka, jakaja zdrabniaje bieton u druz.
Śvietłahorski daŭhabud uklučany ŭ Dziaržaŭnuju inviestycyjnuju prahramu 2022 hoda. Zhodna ź joj, zakančeńnie budaŭnictva Śvietłahorskaha ladovaha pałaca — 2023 hod.
Prezientacyja eskizaŭ budučaha Pałaca hulniavych vidaŭ sportu ŭ Śvietłahorsku adbyłasia 30 studzienia 2006 hoda ŭ adździele architektury i budaŭnictva rajvykankama. Roŭna 11 hadoŭ tamu, u kastryčniku 2011 hoda, pačalisia raboty niepasredna na budaŭničaj placoŭcy ŭ lesaparkavaj zonie pamiž mikrarajonami «Maładziožny» i «Paleśsie».
Vykapali katłavan, uładkavali padmurak, častkova ŭźviali cokalny pavierch, i na hetym usio spyniłasia na 11 hadoŭ. Za hetyja hady byłaja budplacoŭka paśpieła zaraści maładymi drevami, a niedabudavany spartyŭny abjekt jašče miesiac tamu ličyŭsia «zakansiervavanym».
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»17
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary