Pra niezvyčajny vypadak uhonu mašyny taksi razam z pasažyrami paviedamiła pres-słužba bresckaj milicyi.
Zranku ŭ milicyju źviarnuŭsia taksist i paviedamiŭ pra ŭhon mašyny. Pavodle jaho śviedčańnia, a 5-j hadziny ranicy mužčyna padjechaŭ da adnoj z zabaŭlalnych ustanoŭ i pryparkavaŭ mašynu. Kali ŭ jaje sieli dva pasažyry, taksist na paru chvilin adyšoŭ, nie zahłušyŭšy ruchavik.
U hety čas na vulicu vyjšaŭ jašče adzin naviedvalnik ustanovy. Pabačyŭšy aŭtamabil ź niezahłušanym ruchavikom, jon sieŭ za rul i pajechaŭ. Prajechaŭšy kala 100 mietraŭ, jon vyjšaŭ z mašyny i syšoŭ u nieviadomym kirunku.
Uhonščyka znajšli chutka. Heta 35-hadovy miascovy žychar, raniej nie sudzimy. Mužčyna pryznaŭsia ŭ zroblenym. Svoj učynak jon patłumačyŭ tym, što ŭ jaho raptoŭna ŭźnikła žadańnie prakacicca.
Na brastaŭčanina pačali kryminalnuju spravu. Za ŭhon jamu pahražaje da troch hadoŭ pazbaŭleńnia voli.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary