Śviet

Miedźviadčuk prylacieŭ u Turcyju ź Minska?

Telehram-kanał «Biełaruski hajun» na padstavie svaich krynic śćviardžaje, što ŭkrainski prarasijski palityk Viktar Miedźviadčuk, jakoha 21 vieraśnia abmianiali na bajcoŭ bataljona «Azoŭ» i jaki siońnia abjaviŭsia ŭ Turcyi, apynuŭsia tam nie adrazu. Spačatku jon nibyta razam z 55 rasijskimi vajskoŭcami, jakija patrapili pad abmien, byŭ vyviezieny ŭ Biełaruś, i tolki adtul pierabraŭsia ŭ Turcyju.

Viktar Miedźviadčuk

Raniej paviedamlałasia, što łahistyka i abmien pałonnymi prachodzili praz aeraport «Homiel». Adnak siońnia rasijskaje vydańnie «Kommiersant'» sa spasyłkaj na prezidenta Turcyi Redžepa Taipa Erdahana paviedamiła, što paśla abmienu Viktar Miedźviadčuk z Turcyi adpraviŭsia ŭ Rasiju.

«Biełaruskamu hajunu» stała viadoma, što 21 vieraśnia ŭ Nacyjanalnym aeraporcie «Minsk» pryziamliŭsia biźnies-džet z bartavym numaram RA-02811, jaki prylacieŭ z Maskvy (aeraport «Unukava»). A ŭžo ranicaj 22 vieraśnia hety samalot ź Minska adpraviŭsia ŭ stambulski aeraport imia Ataciurka, kudy prybyŭ u 17:00 taho ž dnia.

Heta, na dumku «Biełaruskaha hajuna», śviedčyć pra toje, što Miedźviedčuka razam z 55 pałonnymi vajskoŭcami US RF pryvieźli ŭ Biełaruś. Tady vajskoŭcaŭ transpartnym samalotam dastavili z aeraporta «Homiel» adrazu ŭ Maskvu.

Miedźviedčuka ž asobna dastavili ŭ Minsk, a adtul biźnies-džetam pierapravili ŭ Stambuł. I ŭžo sa Stambuła na tym ža samalocie jon źjechaŭ u Rasiju. Samalot ź im na borcie zrabiŭ pasadku ŭ Maskvie siońnia ŭ 12:20.

Na viartańni Viktara Miedźviedčuka ŭ Rasiju nibyta nastojvaŭ asabista Uładzimir Pucin.

Kamientary

Ciapier čytajuć

Ceny na šakaład ździŭlajuć3

Ceny na šakaład ździŭlajuć

Usie naviny →
Usie naviny

Student prajhraŭ u karty i pajšoŭ u kramu pa šakaładku absalutna hoły7

Adznačyła svoj pieršy dzień naradžeńnia samaje niedanošanaje dzicia śvietu1

Pastavić namiot — ad 70 rubloŭ, šaŭrma pa 20, duš za 10: jak sielota prachodzić Viva Braslav13

«Siońnia my žyviem u kulturnym hramadstvie». Čamu haspadar niezvyčajnaj kramy samaabsłuhoŭvańnia na Paleśsi nie baicca kradziažoŭ2

Ułady zapeŭnivajuć, što paŭtornaha apoŭźnia ŭ viciebskim Viarchoŭi nie budzie

Biełaruś stała asnoŭnym imparcioram śvininy z Rasii. A raniej jana tudy miasa pradavała12

Tramp zajaviŭ, što amal spyniŭ čarhovuju vajnu3

Adna ź dziaržaŭ rychtujecca da pieršaj u śviecie płanavanaj mihracyi ŭsioj nacyi3

Na Minščynie zaŭvažyli dva mahčymyja tarnada

bolš čytanych navin
bolš łajkanych navin

Ceny na šakaład ździŭlajuć3

Ceny na šakaład ździŭlajuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić