Kafiein robić čałavieka bolš schilnym da trat. Voś jak heta pracuje
Chočacie mienš tracić u kramie? Nie picie kavy i koły pa darozie, rekamiendujuć navukoŭcy.
Zhodna ź niadaŭnim daśledavańniem, kali pakupniki prosta pierad pachodam u mahazin pili napoj z vysokaj kolkaściu kafieinu, jany nabyvali bolš tavaraŭ i časta tracili bolš hrošaŭ. Taksama takija klijenty rabili bolš niezapłanavanych pakupak ci nabyvali tavary, prosta kab padniać sabie nastroj, piša Wall Street Journal.
Naprykład, padčas adnaho z ekśpierymientaŭ u ramkach pracy 145 klijentaŭ naviedali kramu tavaraŭ dla doma ŭ Francyi. Pierad šopinham kožny ź ich atrymaŭ pa kubku espresa ci napojaŭ biez kafieinu — ludziam skazali, što heta sposab vitać viartańnie klijentaŭ u mahazin paśla pandemii. U vyniku pakupniki, jakija pili espresa, patracili ŭ mahazinie kala 18 dalaraŭ, a tyja, chto vypiŭ napoj biez kafieinu, spynilisia na pałovie hetaj sumy. Tyja, chto ŭžyvaŭ kafiein, taksama kuplali bolš tavaraŭ: ličba skłała ŭ siarednim 1,5 tavaraŭ u paraŭnańni z 1,08 tavarami, jakich nabyvali klijenty ź inšaj katehoryi.
Dypajan Bisvas, prafiesar markietynhu z Univiersiteta Paŭdniovaj Fłarydy i adzin z aŭtaraŭ pracy, maje svajo tłumačeńnie takoha efiektu. Jon raskazvaje, što kafiein robić ludziej bolš enierhičnymi i ŭzbudžanymi, i što taki stan, vierahodna, prymušaje ludziej rabić impulsiŭnyja pakupki. Tyja, chto piŭ espresa, čaściej nabyvali rečy, źviazanyja ź niečym pryjemnym, naprykład, śviečki ci duchmianyja alei, i redka vybirali bolš utylitarnyja pradmiety nakštałt posudu ci kancylaryi.
Potym navukoŭcy pasprabavali pravieści toj ža ekśpierymient u łabaratornych umovach. U ekśpierymiencie pryniali ŭdzieł amierykanskija studenty: spačatku jany pili chałodnuju harbatu z kafieinam ci bieź jaje, a potym im pakazvali vyjavy praduktaŭ kampanii Amazon. Tyja, chto piŭ harbatu z kafieinam, vyrašyli nabyć bolš tavaraŭ, čym tyja, chto nie ŭžyvaŭ kafiein: u siarednim 3,83 tavary suprać 3,27 u druhoj katehoryi. I znoŭ tyja, chto ŭžyvaŭ kafiein, vybirali nie ŭtylitarnyja tavary, a prosta pryjemnyja rečy.
Čatyry sposaby zrabić svaju kavu bolš karysnaj
Ci možna pić kavu na pusty straŭnik?
Čamu kava časam robić nas bolš stomlenymi
-
U harach Bałharyi za tydzień znajšli šeść trupaŭ. Miarkujuć, što troje zabili inšych traich. Ale chto tady zabiŭ ich samich?
-
Zorny biełaruski akcior Ihar Sihoŭ pajšoŭ u kiroŭcy aŭtobusa. Kaža, što heta lepš, čym u taksi
-
Mužčyna vyžyŭ paśla žudasnaha napadu akuły na Karybach. Jon padzialiŭsia, što ź im było
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary