Pastanoŭka ŭžo zaŭtra.
Śpiektakl «Kot u botach» Biełaruskaha dziaržaŭnaha teatra lalek, kvitki na jaki nie kupić, možna budzie pahladzieć biaspłatna. Jaho pakažuć u Rakaŭskim dvoryku (Minsk, vuł. Rakaŭskaja, 25) 25 lipienia. Pačatak — a 15:00.
«My zaviaršajem teatralny siezon! I pa štohadovaj tradycyi naprykancy siezona zaprašajem vas u Rakaŭski dvoryk na śpiecyjalny pakaz śpiektakla «Kot u botach». Asablivaja mahija hetaha dnia budzie ŭ akciorskim składzie. Na scenu vyjduć lehiendy i lubimcy publiki: zasłužany artyst BSSR Uładzimir Hramovič, Valeryj Zialenski, Bahdan Kartašoŭ, Alaksiej Siančyła i Safija Burdo», — pišuć u sacsietkach teatra.
«My nievypadkova vybrali «Kata ŭ botach» dla pakazu ŭ Rakaŭskim dvoryku. Pa-pieršaje, heta adzin sa «staražyłaŭ» našaha repiertuaru: sioleta śpiektaklu spoŭniłasia 27 hadoŭ.
Jaho pastaviŭ zasłužany artyst BSSR Uładzimir Piatrovič Hramovič, jaki, darečy, taksama vyjdzie na scenu ŭ hety dzień. Pa-druhoje, «Kot u botach» vydatna padychodzić dla vuličnaha pakazu: u im šmat elemientaŭ akciorskaj impravizacyi i humaru, jakija tak lubiać našy hledačy. My rady, što skłałasia dobraja tradycyja — sustrakacca z prychilnikami teatra ŭ niezvyčajnaj atmaśfiery, va ŭtulnym Rakaŭskim dvoryku. Dla nas heta nie prosta vyjaznoje mierapryjemstva. Kožny raz my atrymlivajem vielizarnaje zadavalnieńnie ad sustrečy, znosin i emocyj našych hledačoŭ, — raskazali Onliner u Teatry lalek.
Uviečary taho ž dnia Biełaruski dziaržaŭny teatr lalek zakryje svoj 88‑y siezon u rodnych ścienach śpiektaklem «Na čornaj-čornaj vulicy».
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja14
Kamientary