U Abjadnany pierachodny kabiniet uklučyli Taćcianu Zareckuju — biełarusku, jakaja trapiła ŭ śpis Forbes
U Kabiniecie Taćciana Zareckaja budzie zajmacca pytańniami finansaŭ i ekanomiki.
U składzie Kabinieta Taćciana Zareckaja, jak zajaŭlena, budzie zajmacca nastupnymi pytańniami:
- Pryciahvajučy napracoŭki i ekśpiertyzu ekanamičnych hrupaŭ, raspracoŭvać stratehiju i płanavańnie na pierachodny pieryjad. Heta značyć pryciahnieńnie ŭ Biełaruś kapitału ź ES i ZŠA, pieradača viedaŭ, čałaviečaha kapitału, śviežych zakonaprajektaŭ u finansavaj i ekanamičnaj halinach novamu ŭradu;
- Pradstaŭlać Kabiniet i demakratyčnuju Biełaruś na mižnarodnaj finansavaj arenie, kab naładžvać adnosiny z klučavymi pradstaŭnikami;
- Vieści pieramovy pa prahramach raźvićcia z dvuchbakovymi i šmatbakovymi partniorami, kantralavać i zabiaśpiečvać ich realizacyju;
- Kaardynavać raspracoŭku finansavaha, valutnaha, buchhałtarskaha i biudžetnaha zakanadaŭstva;
- Składać i zabiaśpiečvać biudžet Kabinieta.
Taćciana Zareckaja — zasnavalnica i SIEA kampanii Laava Tech, jakaja zajmajecca aŭtamatyzacyjaj i skaračeńniem enierhaspažyvańnia. Miljanierka, rezidentka śpisu Forbes «30 da 30». Taksama jana ŭvajšła ŭ štohadovy śpis vybitnych navataraŭ da 35 sa ŭsiaho śvietu ad MIT — prestyžnaha Masačusieckaha technałahičnaha instytuta. Jaje startap Laava Tech maje klijentaŭ u Jeŭropie, Kitai, ZŠA.
Čytajcie taksama:
Biełaruskaja multymiljanierka: U 2020 hodzie dla pieramohi pratestaŭ nie chapiła 100—150 miljonaŭ dalaraŭ
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary