Jaje isnavańnie vyjavili nie etnohrafy i falkłarysty, a vajskoŭcy. Bo ŭpieršyniu infarmacyja pra Bavaŭniatka źjaviłasia ŭ tvitary takoj, zdavałasia b, niaprofilnaj struktury, jak Ministerstva abarony Ukrainy.
«Bavaŭniatka — žyvioła-pryvid. Puchnataja i niaŭrymślivaja. Nočču Bavaŭniatka cichieńka prychodzić na bazy akupantaŭ, składy, aeradromy, naftapierapracoŭčyja zavody i inšyja miescy, zapoŭnienyja lohkaŭzharalnymi pradmietami, i pačynaje tam bavicca z ahniom», — pišuć žartaŭniki-vajskoŭcy.
Hety humar z hulnioj słoŭ dobra zrazumieły i biełarusam, bo pachodzić ad ukrainskaha słova «bavovna» (pa-biełarusku «bavoŭna»).
Pakolki rasijskija i vajskovyja, i cyvilnyja ŭłady nie nadta achvočyja pryznavać svaje niaŭdačy na vajnie, to ich aficyjnaja terminałohija poŭnicca šmatlikimi eŭfiemizmami. Siarod ich — słova «chłopók» dla paznačeńnia vybuchu. A pakolki jano tolki naciskam adroźnivajecca ad słova «chłópok» u značeńni «bavoŭna», i aŭtamatyčnyja pierakładčyki časta tak i pierakładajuć, to z-za hetaha ŭkraincy časta i zavuć hetyja «chłopki» «bavovnami». U suviazi z hetym novy žartoŭny piersanaž maje ŭsie šancy pryžycca i stać sapraŭdy narodnym.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary