Chakier uzłamaŭ bajavoha robata z ZŠA i raskazaŭ, jak heta moža zrabić kožny
Futurystyčny sabaka-robat, jaki moža stralać z kulamiota, napužaŭ internet kala miesiaca tamu. Ale akazałasia, što jaho možna prosta adklučyć z dapamohaj pryłady, padobnaj da tamahočy, piša Vice.
Chakier, jaki piša ŭ Twitter pad nikam KF@d0tslash i na GitHub pad nikam MAVProxyUser, vyjaviŭ, što ŭ sabaki-robata jość vyklučalnik, i dostup da jaho možna atrymać z dapamohaj malusieńkaj tannaj pryłady.
«Dobryja naviny! — paviedamiŭ d0tslash u Twitter. — Pamiatajecie tuju sabaku-robata sa zbrojaj? Jana była zroblenaja kampanijaj @UnitreeRobotic. Padobna na toje, usio, što vam treba, kab adklučyć jaho — heta Flipper Zero. U płacie zabieśpiačeńnia siłkavańnia jość bekdor na 433 mhc».
Na videa d0tslash pakazaŭ adnu z sabak-robataŭ Unitree, jakaja zaražajecca. U kadr traplaje ruka, jakaja trymaje Flipper Zero, šmatfunkcyjanalnuju pryładu, padobnuju da tamahočy, jakaja moža adpraŭlać i prymać biespravadnyja sihnały ŭ dyjapazonach RFID, Bluetooth, NFC i inšych. Ruka naciskaje knopku na Flipper, a sabaka-robat zamiraje i padaje na ziamlu.
Motherboard źviazaŭsia z d0tslash, kab daviedacca, jak jon ŭzłamaŭ sabaku-robata. d0tslash nabyŭ adnu z robasabak i pačaŭ vyvučać dakumientacyju, a tam vyjaviŭ niešta cikavaje. Kožny sabaka pastaŭlajecca z dystancyjnym vyklučalnikam, prymacavanym da płaty zabieśpiačeńnia siłkavańnia — častki kanstrukcyi, jakaja nakiroŭvaje siłkavańnie ad batarei da roznych sistem robata.
Vyklučalnik nastrojeny na toje, kab prymać sihnał na častacie 433 mHc. Kali jon atrymlivaje patrebny sihnał, to adklučaje robata. Niekatoryja robaty-sabaki Unitree navat pastaŭlajucca ź biespravadnym pultam dystancyjnaha kiravańnia, jaki imhnienna adklučaje sabaku.
Paśla d0tslash vykarystaŭ Flipper Zero dla emulacyi sihnału vyklučeńnia, kapijujučy sihnał, jaki pult dystancyjnaha kiravańnia sabaki-robata pieradaje na častacie 433 MHc.
Na Github d0tslash padzialiŭsia svajoj pracaj i kodam dla emulacyi z pulta. Heta dazvolić lubomu, u kaho jość Flipper Zero abo anałahičnaja pryłada, adklučać sabak-robataŭ, prymianiŭšy ŭžo hatovuju prahramu.
Nie bojciesia uzbrojenych sabak-robataŭ, bo chakiery ŭžo viedajuć, jak ich adklučać.
-
Sabaki suprać katoŭ: psichołahi vyśvietlili, chto ź ich bolš uźnimaje nastroj, a chto moža psichałahična naškodzić haspadaru
-
Navukoŭcy zmahli pračytać teksty papirusaŭ, abvuhlenych padčas vyviaržeńnia Viezuvija
-
U Kitai prezientavali pieršy ŭ śviecie samachodny ŭnitaz, jaki moža pieramiaščacca pa domie
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary