Iharu Bancaru źbirajucca šyć spravu za «raspalvańnie sacyjalnaj varožaści»
U praŭładnym telehram-kanale źjaviłasia «pakajalnaje videa» z hrodzienskim muzykam Iharam Bancaram.
Miarkujučy z kamientaryja da jaho, muzyku budzie inkryminavacca 130-y artykuł Kryminalnaha kodeksa: «Raspalvańnie rasavaj, nacyjanalnaj, relihijnaj albo inšaj sacyjalnaj varožaści».
Čaplacca buduć, vidać, da niejkaj aktyŭnaści ŭ sacsietkach.
Sa słovaŭ svajakoŭ śpievaka, 4 žniŭnia siłaviki vybili žaleznyja dźviery ŭ hrodzienskaj kvatery Ihara, jaho zabrali i zavieźli ŭ Minsk. Na toj momant Ihar znachodziŭsia ŭ kvatery adzin.
Ihar Bancar užo adsiadzieŭ termin paśla pratestaŭ 2020 hoda. Jaho sudzili za chulihanstva, bo jon u vieraśni 2020 hoda stancavaŭ biez štanoŭ pierad milicejskaj mašynaj. Muzyku asudzili na paŭtara hady «chimii».
Paśla vyzvaleńnia sioleta jon admoviŭsia źjazdžać ź Biełarusi.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary