Dvajniki viadomych biełarusaŭ: składana pavieryć, što heta nie svajaki
«A vy nie jaho baćka?» — mohuć pačuć niekatoryja hieroi hetaj padborki. Hetyja biełarusy nastolki padobnyja, što ich časam błytajuć ci prymajuć za svajakoŭ.
Andrej Tkačoŭ i Džejsan Mamoa
Vysokija i atletyčnyja — amierykanski akcior Mamoa zapomniŭsia rolami ŭ «Hulni tronaŭ» i «Akvamienie», a trenier Andrej Tkačoŭ — vałanciorstvam padčas pandemii kavid. Ciapier Andrej — kaardynatar Fondu miedycynskaj salidarnaści.
Karatkievič u maładości i Cima Biełaruskich
Śpiavak Cima Biełaruskich nahadvaje piśmieńnika na niekatorych jaho fota z maładości. I choć litaraturnaść tekstaŭ pieršaha dalokaja ad tvoraŭ Uładzimira Karatkieviča, «Mokryja krosy» stali takim ža biestseleram dla svajho času, jak «Ładździa rospačy» ci «Kałasy pad siarpom tvaim».
Kaciaryna Vadanosava i Andžalina Džali
«Biełaruskaja Džali» — tak časam nazyvali śpiavačku i rukadzielnicu Kaciarynu Vadanosavu za jaje jarki vyhlad. Na žal, padabienstva zakranuła nie tolki vyhlad. Džali niekalki hod tamu praz vysokuju ryzyku raźvićcia raku vydaliła hrudzi i jaječniki. U Kaciaryny ankałohiju vyjavili sioleta — biełaruska pieraniesła dźvie apieracyi.
Fiodar Paŭlučenka i Ściapan Puciła
Pra padabienstva redaktara Reform.by Fiodara Paŭlučenki i redaktara «Niechta» Ściapana Puciły kažuć mnohija. Niekatoryja navat spačatku prymali Fiodara za baćku Ściapana, ale heta nie tak.
Małady Paźniak i repier Vinsent
Moža, i Źmicier Papko paśla padasca ŭ kandydaty ŭ prezidenty?
A Zianonu Stanisłavaviču, darečy, pryśviačali rep. Iraničny «Zianon-chop» nieviadomy aŭtar napisaŭ u 2006 hodzie, paśla razhonu Płoščy. U im Paźniak — heta supiermien, jaki pryjdzie i vyratuje Biełaruś ad dyktatury. Sam palityk praz mat u repie nie acaniŭ takuju tvorčaść.
Aleh Rumo i Krystof Valc
Valca vy možacie viedać pa roli štandartenfiurera ŭ filmie Tarancina «Biassłaŭnyja vyradki». A Rumo — pa dasiahnieńniach u biełaruskaj transpłantałohii i ahitacyjnych pramovach za Łukašenku napiaredadni minułych vybaraŭ.
Kali viedajecie inšych dvajnikoŭ viadomych biełarusaŭ, možacie prapanavać svaje varyjanty ŭ kamientarach.
-
«Ja nikoli tak chutka nie bieh». Mahiloviec padčas načnoj rybałki sutyknuŭsia z vaŭčynaj zhrajaj
-
«Čornaja žamčužyna» sušyć viosły»: tyktok u zachapleńni ad vializnaha frehata, jaki pabudavaŭ piensijanier u Pinsku ŭ svaim aharodzie
-
U ZŠA 18‑hadovy zumier zarabiŭ $30 miljonaŭ na dadatku, jaki ličyć kałoryi pa fota ježy
Kamientary