Pra ŭzhadnieńnie čarhovaha pakieta antyrasijskich sankcyj paviedamiŭ u paniadziełak kiraŭnik MZS Vienhryi Pieter Sijarta. Pavodle jaho słoŭ, novyja miery zakranuć 48 fizičnych asob, uklučajučy adnaho vice-premjera i kiraŭnikoŭ niekalkich respublik u składzie Rasii, a taksama 9 kampanij, u tym liku Śbierbank.
Najbujniejšy dziaržaŭny bank Rasii ŭžo adklučany ad sistemy SWIFT razam ź jašče 9 rasijskimi bankami i znachodzicca pad błakavalnymi sankcyjami ZŠA i Vialikabrytanii, ale nie ŭklučany ŭ jeŭrapiejskija čornyja śpisy.
Akramia taho, Jeŭrasajuz razhladaje ŭzmacnieńnie surovaści sankcyj u dačynieńni da depazitaŭ rasijan, paviedamiŭ Sijarta. Ciapier asobam z rasijskim pašpartam, a taksama kampanijam-rezidentam Rasii budzie zabaroniena adkryvać rachunki ŭ jeŭrapiejskich bankach na sumu, bolšuju za 100 tysiač jeŭra.
U toj ža čas, pa słovach Sijarta, u pakiet nie ŭvojduć jakija-niebudź abmiežavańni pa pastaŭkach rasijskich enierhanośbitaŭ i sankcyi ŭ dačynieńni da «Hazprambanka».
Zatoje ŭ sankcyjny pakiet uvachodzić zabarona na pastaŭki zołata, dadatkovyja abmiežavańni na pastaŭki tavaraŭ padvojnaha pryznačeńnia, zabarona na akazańnie buchhałtarskich, aŭdytarskich i padatkovych kansultacyjnych pasłuh.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary