Recept na vychadnyja. Italjanskija frykadelki z kabačkami — aryhinalnaja i karysnaja strava
Hetyja frykadelki ŭ italjanskim styli nie tolki majuć dobry pach dy smak. Zamiest makarony harniram dla ich słužyć cukini, što robić stravu mienš kałaryjnaj dy bolš vitaminnaj.
Fota: BBC Food
Kab pryhatavać italjanskija frykadelki z cukini, vam spatrebicca:
- 250 hramaŭ jałavičnaha faršu,
- 2 cukini siaredniaha pamieru (treba źniać ź ich skurku, a kali kabačok dosyć vialiki, vyčyścić nasieńnie znutry),
- 1 nievialikaja cybulina (treba jaje drobna parezać),
- 1 čajnaja łyžka prypravy (biarycie sumieś dla siečanaha miasa ci frykadelek),
- 1 zdrobnieny zubok časnaku,
- 220 hramaŭ narezanych kansiervavanych pamidoraŭ,
- 2 stałovyja łyžki z horkaj drobna narezanaha liścia baziliku + dadatkovy bazilik dla ŭpryhožvańnia,
- trochi aleju dla smažańnia,
- sol i čorny pierac, lepš śviežazmołaty.
- Pakładzicie ŭ misku farš, pałovu cybuliny i pałovu sumiesi traŭ, dadajcie trochi soli i piercu, dobra vymiešajcie. Sfarmujcie 10 nievialikich frykadelek.
- Smažcie frykadelki na hłybokaj patelni z toŭstym dnom na praciahu 5—7 chvilin. Pieryjadyčna pieravaročvajcie ich, kab frykadelki padsmažylisia z usich bakoŭ. Pierakładzicie ich na talerku.
- Kab zrabić padliŭku, pakładzicie ŭ tuju ž patelniu reštu cybuli i smažcie jaje na słabym ahni na praciahu troch chvilin, nie zabyvajcie pieramiešvać. Dadajcie časnok i smažcie jašče niekalki siekund.
- Dadajcie ŭ patelniu pamidory, 300 mililitraŭ vady, reštu sumiesi traŭ i bazilik. Pamiešvajcie i pastupova daviadzicie da kipieńnia. Viarnicie frykadelki ŭ patelniu, trochi źmienšycie ahoń i tušycie ŭsio na praciahu 20 chvilin, pakul sous nie zahuścieje i frykadelki nie buduć całkam prapiečanyja.
- U hety čas napoŭnicie kastrulku vadoj i daviadzicie jaje da kipieńnia. Z dapamohaj pryłady dla narezki harodniny narežcie cukini na stužki. Varycie ich u kipiačaj vadzie na praciahu chviliny, pracadzicie.
- Padzialicie cukini na dźvie porcyi i pakładzicie na talerki, źvierchu raźmiaścicie frykadelki i sous. Upryhožcie bazilikam.
Recept na vychadnyja. Jahadnyja tartaletki — jarkaja vypiečka dla siezona sadaviny
Recept na vychadnyja. Chałodny sup haspača — toje, što treba ŭ letniuju śpioku
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary