Siońniašni ŭdar pa Adeskaj vobłaści, u vyniku jakoha zahinuŭ minimum 21 čałaviek, byŭ naniesieny rakietaj taho ž typu, jakaja źniščyła handlovy centr u Kramienčuhu.
Rakietu Ch-22 praanalizavaŭ karespandent BBC Krys Partrydž.
«Vajennyja analityki miarkujuć, što jaje vykarystańnie aznačaje, što ŭ Maskvy kančajucca bolš sučasnyja rakiety. Ch-22, što vystrelvajucca z bambardziroŭščykaŭ Tu-22, źjaŭlajucca zbrojaj siaredniaj dalokaści i spačatku nie byli dakładnymi. Z hadami sistema naviadzieńnia mahła być palepšanaja, ale my nie viedajem, ci tyčycca heta da zbroi, vykarystanaj u apošni čas».
Maskva sutykajecca z prablemami, źviazanymi z tym, što jana nazyvaje svaimi «vysokadakładnymi sistemami pavietranaha baziravańnia», ličyć Partrydž.
«Sankcyi aznačajuć, što pastaŭki impartnych kamplektujučych skončylisia, — śćviardžaje jon. — A ruchaviki, jakija stajać na niekatorych rakietach, raniej vyrablalisia va Ukrainie, na zavodzie ŭ Charkaŭskaj vobłaści. Častka prablemy dla Ukrainy zaklučajecca ŭ tym, što kryłatyja rakiety časta zapuskajucca z terytoryi Rasii, a samaloty znachodziacca pad abaronaj mahutnaj rasijskaj sistemy SPA, heta ŭskładniaje paražeńnie rakiet, tamu Ukrainie nieabchodna mieć bolš daskanałuju sistemu supraćpavietranaj abarony dla supraćdziejańnia im.
Heta chutka adbudziecca. Učora prezident ZŠA Džo Bajden zajaviŭ, što zachodnija sistemy SPA buduć pastaŭlenyja Ukrainie ŭ ramkach novaha pakietu dapamohi na sumu 800 miljonaŭ dalaraŭ».
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty24
Kamientary