Ukraina zajaviła pra pieramohu ŭ «vajnie za boršč». JUNIESKA pryznała stravu ŭkrainskaj
Ministr kultury Ukrainy Alaksandr Tkačenka paviedamiŭ u siabie ŭ Fejsbuku, što kamitet JUNIESKA pa achovie niemateryjalnaj kulturnaj spadčyny ŭnios u adpaviedny śpis elemient pad nazvaj «Kultura pryhatavańnia ŭkrainskaha baršču».
«Pieramoha ŭ vajnie za boršč — naša!» — napisaŭ pry hetym Tkačenka. Jon patłumačyŭ, što JUNIESKA pryniała adpaviednaje rašeńnie pa zvarocie ŭkrainskaha ŭrada. Jon byŭ nakiravany jašče ŭ sakaviku 2021 hoda.
Pradstaŭnica MZS Rasii Maryja Zacharava ŭ krasaviku zajaviła, nie pryvioŭšy jakich-niebudź dokazaŭ, što va Ukrainie «navat kulinarnyja knihi zabaranialisia».
U piatnicu Tkačenka adkazaŭ na hetyja śćviardžeńni: «My z zadavalnieńniem budziem dzialicca barščom i jaho receptami z usimi cyvilizavanymi krainami. Dy i ź niecyvilizavanymi taksama, kab u ich było choć niešta śvietłaje, smačnaje i ŭkrainskaje».
Na aficyjnym sajcie MZS Rasii boršč adnosicca da «ruskich tradycyjnych i nacyjanalnych straŭ».
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary