Rasijski harnizon na vostravie Źmiainy razhromleny. Maskva nazvała evakuacyju jaho reštak «krokam dobraj voli»
Šeraham udaraŭ pa vostravie ŭkrainskaj avijacyi i bieśpiłotnikaŭ byli źniščanyja rasijskija ZRK, i Źmiainy zastaŭsia biez abarony z pavietra.
Ukrainskaje kamandavańnie paviedamiła, što rasijanie adyšli ad vostrava Źmiainy. Paźniej heta paćvierdziła i Ministerstva abarony Rasii.
Paviedamlajecca, što ad vostrava adyšli piać sudnaŭ. Sam vostraŭ pakryty dymam pažaryščaŭ.
Siońnia ž ukrainskaje apieratyŭnaje kamandavańnie «Poŭdzień» zajaviła, što ŭkrainskija abaroncy źniščyli na vostravie Źmiainy apošni zienitna-rakietny kompleks «Pancyr-S1», heta značyć, rasijanie zastalisia biez abarony z pavietra.
Akramia taho, ukraincy śćviardžajuć, što rasiejskaja armija straciła dźvie haŭbicy «Msta-B» i samachodnuju — «Msta-Z», try adzinki braniavanaj i aŭtamabilnaj techniki, a taksama palavy skład paliŭna-zmazačnych materyjałaŭ.
Nahadajem, pieršy harmatna-rakietny kompleks «Pancyr-S1» na Źmiainym ukraincy źniščyli tydzień tamu.
Źmiainy vostraŭ — nievialikaja vyspa za 50 kiłamietraŭ ad paŭdniovaha bieraha Ukrainy ŭ Čornym mory.
24 lutaha 2022 u pieršy dzień rasiejskaha ŭvarvańnia va Ukrainu Dziaržaŭnaja pryhraničnaja słužba Ukrainy kala 18:00 pa miascovym časie zajaviła, što vostraŭ z paśla abiedu atakujuć rasijskija vajskovyja karabli. Rakietny krejsier «Maskva» i patrulny karabiel «Vasilij Bykaŭ» pry padtrymcy šturmavych viertalotaŭ abstrelvali vyspu sa svaich pałubnych harmat.
Kali rasijski vajenny karabiel źviarnuŭsia da ŭkrainskich pamiežnikaŭ na vyśpie i zažadaŭ, kab jany zdalisia, jany adkazali viadomaj usim zaraz niecenzurnaj frazaj pra ruski vajenny karabiel.
13 krasavika rakietny krejsier «Maskva», jaki braŭ udzieł u šturmie vostrava Źmiainy, zatanuŭ paśla ŭkrainskaj ataki.
Minabarony Rasii paźniej u čaćvier paćvierdziła adychod sa Źmiainaha i nazvała heta «krokam dobraj voli»
Raniej takim «krokam dobraj voli» było nazvanaje adstupleńnie rasijskaj armii z poŭnačy Ukrainy.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary