Kibierpartyzany vykłali zapisy prasłuchoŭvańnia biełaruskim MUS rasijskaj ambasady ŭ Minsku
Chakierskaja hrupa «Kibierpartyzany» atrymała dostup da «tysiač hadzin» aŭdyjazapisaŭ z mabilnych i stacyjanarnych telefonaŭ Biełarusi. Pra heta sami chakiery raspaviali vydańniu «Nastojaŝieje vriemia».
Usiaho ŭ rasparadžeńni kibierpartyzanaŭ akazalisia 1,5 terabajta ŭ farmacie mp3. Jany zachoŭvalisia na siervierach Departamienta zabieśpiačeńnia apieratyŭna-vyšukovaj dziejnaści MUS Biełarusi i achoplivajuć pieryjad sa studzienia 2020 hoda pa červień 2021-ha, śćviardžajuć chakiery.
Uvohule pra ŭzłom siervieraŭ jany paviedamlali jašče ŭ žniŭni 2021 hoda, ale maštab uciečki staŭ viadomy tolki ciapier. U jakaści dokazu «Kibierpartyzany» apublikavali ŭ svaim tielehram-kanale zapis zvankoŭ u rasijskaje pasolstva ŭ Minsku.
U adnoj z hutarak žančyna, jakaja pradstaviłasia hałoŭnym buchhałtaram ambasady, abmiarkoŭvaje z supracoŭnikam MUS umovy achovy pracy ŭ adnoj z rezidencyj dyppradstaŭnictva.
«Što ŭ nas z budkaj? Tam treba pastavić niejkija prybiralni, niejkija mikrachvaloŭki, niejkija abahravalniki», — kaža jana.
U inšaj razmovie pradstaŭnik MUS raskazvaje supracoŭniku ambasady, što «biełaruskaja fura lažyć na baku pad Kurskam», paśla čaho surazmoŭcy abmiarkoŭvajuć mahčymaść evakuacyi hetaj fury.
Jak adznačajuć «Kibierpartyzany», prasłuchoŭvańnie pasolskich rabotnikaŭ moža supiarečyć Vienskaj kanviencyi ab dypłamatyčnych adnosinach 1961 hoda, zhodna ź jakoj dypłamatyčnaja karespandencyja — niedatykalnaja. «Kibierpartyzany» padzialilisia z «Nastojaŝim vriemieniem» poŭnymi zapisami niekalkich sotniaŭ zvankoŭ, a taksama supravadžalnymi fajłami ź mietadadzienymi.
Abjekty prasłuchoŭvańnia ŭ ich paznačanyja kodavymi słovami, naprykład, «Žuk-6», «Brytaniec» i «Łariec». Miarkujučy pa źmieście zvankoŭ, patajemnaje prasłuchoŭvańnie viałosia kruhłasutačna i pad jaho traplali ŭsie ŭvachodnyja i vychodnyja zvanki abanientaŭ.
«Nactojaŝieje vriemia» nakiravała zapyt u ambasadu RF u Minsku z prośbaj prakamientavać uciečku ad ich telefonnych razmoŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary