Litoŭskaje Ministerstva navakolnaha asiarodździa paviedamiła, što kraina adčuvaje deficyt draŭniny, vyklikany prypynieńniem impartu ź Biełarusi i Rasii praz sankcyi, piša hazieta «Biełorusy i rynok».
«Litva impartavała draŭninu i ź Biełarusi, i z Rasieii. Ciapier hety impart spyniŭsia, i faktyčna va ŭmovach Litvy ŭ nas deficyt draŭniny», — zajaviŭ namieśnik ministra navakolnaha asiarodździa Danas Aŭhucis.
Jon adznačyŭ, što Ministerstva navakolnaha asiarodździa źbirajecca źmianić praviły ekspartu draŭniny, kab zafiksavać kolkaść syraviny, jakuju možna vyvozić ź Litvy ŭ inšyja krainy ES. Susiednija Łatvija i Estonija zrabili heta raniej.
Raniej paviedamlałasia, što Litva šukaje zamienu biełaruskaj draŭninie, jakaja patrapiła pad sankcyi Jeŭrapiejskaha sajuza. Asabliva krainie patrebnaja zdrobnienaja draŭnina — dranka i stružka. Ministerstva navakolnaha asiarodździa Litvy pastaviła zadaču znajści da aciaplalnaha siezona novyja krynicy bijapaliva zamiest draŭnianaj dranki, jakaja patrapiła pad sankcyi.
U viedamstvie padkreślili, što ŭ 2021 hodzie Litva impartavała ź Biełarusi 942 tys. kubičnych mietraŭ draŭnianaj dranki. Bolš za pałovu dranki, jakaja ŭvozicca ź Biełarusi, vykarystoŭvałasia ŭ jakaści bijapaliva.
-
Litva pieradała ŭ Mižnarodnuju arhanizacyju cyvilnaj avijacyi dadatkovyja dokazy praviadzieńnia Biełaruśsiu hibrydnych atak
-
U Luksiemburhu ekshumavali prach kolišniaha kiraŭnika AUN, jaho pierapachavajuć va Ukrainie
-
U ZŠA mužčyna zahinuŭ u mietro paśla taho, jak jaho zaciahnuła ŭ eskałatar. Bolš za 20 chvilin jamu nichto nie dapamahaŭ
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna5
Kamientary