«Pałonnyja prasilisia, kab ich nie bili, nie stralali». Kalinoviec raskazaŭ detali apieracyi pa zachopie płacdarma pad Chiersonam
Bajec pałka Kalinoŭskaha Jaŭhien «Aŭhust» Michasiuk raskazaŭ «Radyjo Svaboda», što biełarusy-dobraachvotniki ŭdzielničali ŭ składanaj nastupalnaj apieracyi pa vychadzie na levy bierah raki Inhulec.
«Niadaŭna hrupa biełarusaŭ była na zadańni ŭ rajonie Mikałajeŭskaj i Chiersonskaj abłaściej, — kaža Michasiuk.
— Pryjechali ŭ nasieleny punkt, arhanizavali bazu, kab tudy mahła prybyć vialikaja kolkaść našych bajcoŭ, i adtul pačynaŭsia nastup na rasijskija pazicyi. Kali rychtavali punkt — byli pad abstrełami. Ale heta nie nastolki strašna, jak moža zdavacca. U adnu z načej u viosku sprabavała zajści ci vyviedka rasijan, ci dyviersijnaja hrupa, kab stvaryć pieraškody dla našych ci sabrać bolš infarmacyi pra nas. Tady ŭ nas byŭ niepasredny «kantakt» ź imi. Paśla Uzbrojenyja siły Ukrainy zachapili častku bieraha raki i prasunulisia napierad na dzieviać kiłamietraŭ. Biełaruskija padraździaleńni byli častkaj hetaj vialikaj apieracyi. U nas byŭ niaprosty šlach — praz pole, praz raku, les zachapić nasieleny punkt. Pa nas stralali i tanki, i samachodnyja ŭstanoŭki, i artyleryja, my išli pa zaminavanych učastkach. My svaje zadačy vykanali, choć apieracyja była ryzykoŭnaja. Jašče i prychapili troch rasijan u pałon», — raskazvaje biełarus.
Jaŭhien rasapaviadaje, što biełarusy stracili troch čałaviek paranienymi. Adzin čałaviek byŭ paranieny askiepkam, jašče adzin nastupiŭ na minu, i jašče adzin byŭ kantužany.
«Heta pośpiech u takoj składanaj apieracyi. Ukraincy, jakija dziejničali pobač z nami, na žal, mieli i straty, i ciažka paranienych, my dapamahali ź ich evakuacyjaj. Ciapier jany ŭ lakarniach», — kaža bajec.
Apieracyja adznačyłasia taksama tym, što biełarusy zachapili ŭ pałon troch rasijan.
«Jany padniali ruki, vyjšli ź blindaža i zdalisia. Prasilisia, kab ich nie bili, nie stralali. My pažartavali: «Dy rassłabciesia, my biełarusy». Mnie padałosia, što jany nie zusim zrazumieli, chto my i čamu tut, — dadaje bajec «Aŭhust». — Bo šaŭrony ŭ nas byli ŭkrainskija. Sprabavali ź imi razmaŭlać, ale jany byli vielmi napružanyja».
Rasijskija vajskoŭcy, uziatyja ŭ pałon biełarusami.
Jaŭhien Michasiuk adznačaje, što kolkasny skład pałka Kalinoŭskaha chutka raście, dałučajucca novyja ludzi.
«Kali ja viarnuŭsia [na bazu], to nie ŭbačyŭ znajomych tvaraŭ. Pa-pieršaje, ludzi mnohija na zadańniach, a druhoje — šmat novych dałučyłasia», — kaža «Aŭhust».
Čytajcie taksama: Što raskazali pra siabie rasijskija pałonnyja, zachoplenyja kalinoŭcami
-
«Vialikaja savieckaja armija pieramahaje maleńkuju savieckuju armiju». USU stali prajhravać na poli boju paśla viartańnia da starych praktyk
-
U 14 nasielenych punktach Danieckaj vobłaści abviaścili abaviazkovuju evakuacyju siemjaŭ ź dziećmi
-
Ukraina maje piać klučavych patrabavańniaŭ u ramkach urehulavańnia vajny
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju1
Kamientary