Dazvolenaja harvykankamam, jana adbudziecca ŭ Dzień vajskovaj słavy 8 vieraśnia ŭ skviery Janki Kupały a 19.00.
Čarhovaja paciecha «Bitva paduškami» aficyjna dazvolenaja Minharvykankamam. Jana adbudziecca ŭ Dzień vajskovaj słavy 8 vieraśnia ŭ skviery Janki Kupały a 19.00.
Udzielnikam treba mieć z saboj padušku albo niešta da jaje padobnaje (spalnik, miakkuju cacku, nadzimanaha krakadziła i h.d.). Arhanizatary padzielać usich udzielnikaŭ na kamandy. A dalej jak u 1514‑m: vojski Vialikaha Kniastva Litoŭskaha pojduć na maskoŭskija vojski, kab ažno pierje palacieła!
Aršanskaja Bitva — adbyłasia padčas maskoŭska‑litoŭskaj vajny 1512—1522 hadoŭ pamiž vojskami VKŁ i Vialikaha kniastva Maskoŭskaha.8 vieraśnia 1514 hoda 30‑tysiačnaje biełaruskaje vojska pad kamandavańniem hietmana Kanstancina Astrožskaha nahałavu raźbiła 80‑tysiač vojska Maskvy. Hetaja bitva stała adnoj z samych słavutych pieramohaŭ Biełarusi i nazaŭsiody ŭniesła vajenny hienij Kanstancina Astrožskaha ŭ suśvietnuju historyju.
Boj paduškami — heta mižnarodny ruch, jaki maje dziesiatki tysiač žaŭnieraŭ pa ŭsiamu śvietu. Samaja maštabnaja bitva adbyłasia ŭ univiersitecie Ołbani ŭ Ńju‑Jorku, dzie 3648 čałaviek bilisia za mir va ŭsiom śviecie. Deviz mižnarodnaha boju paduškami — Pillow fight «Make feathers, not war!» u volnym pierakładzie na biełaruskuju jak «Puchavy boj: Pierarobim miačy na paduški!»
Padobnaja akcyja prajšła sioleta 15 lipienia. Jana była pryśviečana 599-hodździu Hrunvaldskaj bitvy.
Kamientary